sábado, 18 de abril de 2026
Nota de prensa del Gabinete de Comunicación de AGE:
O grupo parlamentar de Alternativa Galega de Esquerda (AGE) esixiu o cese fulminante da conselleira de Sanidade, Rocío Mosquera, pola súa nefasta xestión ante o primeiro falecemento dunha muller no Novo Hospital de Vigo que deu positivo en Asperxilus, e polas continuas deficiencias e irregularidades detectadas neste centro hospitalario.
A deputada de AGE, Eva Solla, criticou a reacción da Consellería que pese a coñecer a nova do falecemento desde primeira hora de onte e actuar como sería propio dunha administración responsable informando e paralizando todos os traslados, o que fixeron foi ocultar a información ata que saíu nos medios de comunicación e foi entón cando botaron man do relato xa construído para dicir que se podía ter contaxiado fora do hospital. Unha actitude irresponsable e vergoñenta impropia da máxima responsable da sanidade no noso país que debe supor a súa substitución inmediata. Así mesmo, a deputada de AGE destacou a necesidade de que o propio presidente da Xunta de Galicia compareza de xeito urxente no Parlamento de Galicia para dar explicacións das continuas irregularidades e deficiencias que se están a suceder diariamente no novo hospital. A conselleira é xa un cadáver político e ten que dimitir ou ser cesada fulminantemente polo presidente Núñez Feijóo que ten a obriga de comparecer na Cámara e dar as explicacións que sexan necesarias afirmou a deputada Eva Solla.
Ante a grave situación que se está a dar e os riscos evidentes para a saúde dos usuarios e usuarias, o grupo parlamentar de AGE considera preciso que se paralicen todos os traslados ao hospital Álvaro Cunqueiro así como baleirar o novo centro ata garantir ao cen por cen a seguridade no mesmo.
A petición formulada por AGE na que instaba ao Parlamento de Galicia a crear unha comisión de investigación para esclarecer todas as irregularidades detectadas desde o principio no Novo Hospital de Vigo, toma a día de hoxe máis forza. A deputada de AGE, Eva Solla, insistiu na necesidade de chegar ao fondo e depurar responsabilidades entre outros temas coa adxudicación a unha empresa dun ex alto cargo do PP, creada catro meses antes e con domicilio na propia vivenda desta persoa, e a que se lle pagará 4 millóns de euros por se encargar entre outras cousas da calidade e dos traslados ao novo cento. Un novo caso de porta xiratoria aos que xa nos teñen acostumados o Partido Popular nesta ocasión na adxudicación do Novo Hospital.
As irregularidades do Novo Hospital de Vigo foron denunciadas polo grupo parlamentar de AGE desde a súa chegada ao Parlamento de Galicia. Incumprimentos de prazos, irregularidades, ou as intolerables rebaixas nas calidades son algúns das cuestións denunciadas polo grupo parlamentar ao longo do tempo. Unhas denuncias que agora se están a demostrar coas continuas incidencias e problemas que se están a dar no hospital.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
