domingo, 25 de octubre de 2026
Nota de prensa remitida por el Gabinete de Comunicación de la Xunta de Galicia:
O ciclo Do Audible abre a programación da súa terceira edición cunha proposta na que convida a se achegar á música contemporánea a partir do libro As cidades invisibles, de Italo Calvino, e da man dun dos grandes divulgadores actuais da música en España, Fernando Palacios. O compositor e profesor de pedagoxía musical será o encargado de conducir a primeira sesión deste ciclo co que a Secretaría Xeral de Cultura, en colaboración coa formación Vertixe Sonora Ensemble, promove o diálogo entre a música contemporánea con outros campos de expresión como a ciencia, a arte e, en xeral, o pensamento.
A Fundación Luis Seoane da Coruña acollerá mañá martes, ás 20:30 horas, a primeira sesión do ciclo, á que lle dá nome a obra As cidades invisibles. Nesta viaxe por cidades imaxinadas que poden ser vistas e oídas como pura música, o ciclo propón un achegamento á figura de Italo Calvino, pero tamén á doutros escritores, como o xaponés Yasunari Kawabata.
O repertorio musical da sesión, que será interpretado pola formación Vertixe Sonora Ensemble con Pablo Coello, Celia Adrián, Thomas Piel, Carlos Méndez, Rubén Barros, David Durán e Diego Ventoso inclúe as obras Apartamento Polsen Apartamento Peterson, de Mauricio Pauly; Spill, de Bernardo Barros, e Mittel und Zwecke, de Stefan Beyer.
Ademais, a sesión inaugural tamén contará coa agrupación 4+1 Piano Ensemble formada por Elena Rodríguez García, Iago Hermo, Rosalía Becoña e Daniel Chaves Cores, que interpretará a peza Escenas I, II e III, de Iago Hermo.
Do Audible 2015, que enmarca cada unha das súas sesións nun campo temático, continuará coa cita Eloxio do mínimo, na Casa do Saber, en Lugo, o 30 de xuño; con Incerteza, no Café Morderno de Pontevedra, o 20 de outubro; e con Baleiro, o 25 de novembro, no Museo Ramón María Aller, onde rematará a terceira edición do ciclo.
Nas diferentes sesións, que se poden consultar na Axenda de Cultura de Galicia, en www.cultura.gal, o ciclo contará coa participación dos divulgadores e investigadores Federico López Silvestre, Ana Ulla Miguel e Javier Turnes, que dialogarán cos compositores Alberto Bernal, Joan Bagés i Rubí e Miguel Ángel Tolosa.
Do Audible constitúe unha das liñas de innovación na programación musical da Consellería de Cultura e Educación que ten como un dos seus obxectivos principais abrir camiños novos na creación sonora contemporánea e establecer diálogos actuais entre as diversas disciplinas artísticas e científicas.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
