domingo, 25 de octubre de 2026
Nota de prensa de la Real Academia Galega (RAG):
A presentación, celebrada no salón de actos da Academia, contou coa presenza, entre outros, do presidente desta institución, Xesús Alonso Montero; da presidenta de Parlamento de Galicia, Pilar Rojo; do presidente da Fundación Santiago Rey Fernández-Latorre, Santiago Rey; do secretario xeral de Cultura, Anxo Lorenzo; do secretario xeral de Política Lingüística, Valentín García; do presidente da Deputación de Lugo, Xosé Ramón Besteiro; do director de La Voz de Galicia, Xosé Luís Vilela; do fillo de Filgueira Valverde, Fernando Filgueira, ademais de numerosos membros de número da Academia, familiares de Filgueira Valverde e figuras da cultura galega.
O volume presentado recolle un total de 24 artigos publicados orixinalmente por Xosé Filgueira Valverde no xornal coruñés, seleccionados e editados polo membro de número da Academia, Xesús Ferro Ruibal, quen é autor, ademais, dun limiar introdutorio sobre a figura e a obra do autor pontevedrés, quen foi descrito por Xosé Luís Vilela, director de La Voz de Galicia, como "un erudito e un divulgador da historia de Galicia que forma parte hoxe tamén da nosa historia".
Pola súa parte, o editor do monográfico, Xesús Ferro Ruibal, logo de enumerar as abondosas achegas do intelectual pontevedrés á nosa cultura concluíu: "Filgueira Valverde traballou arreo toda a súa vida para que teñamos hoxe ciencia e conciencia de Galicia, para elevar a nosa estima e coñecemento de nós mesmos".
Fotografía y más información: http://academia.gal
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
