miércoles, 12 de agosto de 2026
Nota de prensa del Gabinete de Comunicación del PSdeG:
O secretario xeral dos socialistas galegos, José Ramón Gómez Besteiro, anunciou en Santiago a súa decisión de centrar os meus esforzos no proxecto do PSdeG para Galicia e non concorrer ás eleccións municipais.
O líder dos socialistas galegos interveu no Forum Europa, Tribuna Galicia de Nueva Economía, onde manifestou ante numerosos cargos do PSdeG, empresarios e representantes da sociedade civil que confía en que a maioría dos cidadáns deste país non se moven por medo nin por enfado: móvense por confianza, e xerala ten que ser o noso reto.
En contra da resignación, os socialistas galegos temos a ambición por retomar un proxecto de país que se abandonou, queremos recuperar o público como motor de cambio, promover empregos de calidade, impulsar un plan de atracción e retorno do talento, aproveitar o potencial enerxético galego e consolidar un galeguismo de base económica, dixo na súa intervención.
Besteiro lamentou que as receitas que o Partido Popular aplicou baseáronse na austeridade co pretexto de reducir a débeda pública, pero resultou todo o contrario; temos máis débeda pública que cando tiñamos un gasto público máis alto e poño os exemplos de España e de Galicia, onde a pesar dos recortes e desmantelamentos de servizos públicos, se incrementa ano a ano. A débeda pode ser en determinadas situacións unha ferramenta para xerar riqueza, benestar social e crecemento, pero nunca para aumentar a desigualdade e o empobrecemento, apuntou.
O secretario xeral do PSdeG lembrou que a aposta pola austeridade da Xunta produciu que Galicia hoxe non ofrece oportunidades de desenvolvemento vital para os galegos, estamos cada vez máis lonxe do resto de España e Galicia se converteu nun país onde de ter que preocuparnos polo paro, pasamos a ter que preocuparnos directamente pola pobreza e exclusión social.
Feijóo chegou á presidencia da Xunta presentándose como un bo xestor, pero a realidade é que desde 2009 destruíronse en Galicia 120.000 empregos; 27.000 mozos de entre 15 e 34 anos abandonaron Galicia só entre 2013 e 2014; Galicia é a terceira comunidade autónoma que máis reduciu o gasto en servizos sociais dende o ano 2009, un 18,65%, e co Goberno de Feijóo está rematando de facto a equidade terapéutica na sanidade pública, aseverou.
O líder dos socialistas galegos considera que debemos traballar na reindustrialización do país, desenvolvendo en primeiro lugar unha verdadeira estratexia enerxética integral; temos que reivindicar Galicia como un territorio enerxético.
Creo que é posible devolverlle o orgullo a todas as persoas que non tiveron culpa da crise pero que foron equiparadas en responsabilidade cos verdadeiros responsables, é posible ser implacable ante os retrocesos en dereitos e servizos públicos e que o benestar dos homes e mulleres do noso país se sitúe sempre por riba de calquera interese económico, apuntou Besteiro, que rematou manifestando a necesidade de que as familias que deciden vivir aquí, poidan traballar e ter fillos aquí; creo, en definitiva que é posible recuperar o noso futuro, e así traballarei para que o sexa.
Fotografía: Gabinete de Comunicación del PSdeG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
