martes, 11 de agosto de 2026
Cómpre salientar, asemade, que entre todas as categorías hai recoñecidas 59 persoas deportistas con diversidade funcional (19 mulleres e 40 homes), o número máis alto da historia, unha cifra que continúa medrando.
Estas cifras récord do deporte de alto nivel en Galicia son froito, por unha banda, do traballo e da progresión dos deportistas galegos nos últimos anos. Por outra, tamén contribuíu o decreto de alto nivel publicado en setembro de 2020, que ampliou o sistema de recoñecementos ao incorporar, ademais do deporte de alto nivel, o alto rendemento deportivo para aqueles deportistas que aínda non acadan esa consideración, pero cuxa proxección apunta a que poderán facelo e o rendemento deportivo de base, correspondente á etapa de desenvolvemento e perfeccionamento previa ao acceso ao alto rendemento ou ao alto nivel.
Axudas ao alto nivel
Cómpre salientar que en xaneiro a Fundación Deporte Galego resolveu a convocatoria das axudas DGAN-TAXAGAN 2025 para deportistas galegos de alto nivel, así como para persoas técnicas, adestradoras, xuízas e árbitras de alto nivel. A convocatoria bateu un novo récord ao conceder 595 axudas por un importe superior aos 840.000 euros, as cifras máis altas acadadas nunha única convocatoria. O ano anterior rexistrárase un importe próximo ao millón de euros, pero distribuído en dúas convocatorias: a ordinaria e a extraordinaria con motivo dos Xogos Olímpicos e Paralímpicos de París.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
