viernes, 30 de octubre de 2026
Así mesmo, a directora xeral tamén indicou que xullo foi moi seco cunha precipitación acumulada de 5 litros por metro cadrado (l/m2) e un 86% menos de chuvia do habitual aínda que sen chegar a bater neste caso rexistros históricos. De feito, nos veráns de 2020 e de 2016 o déficit de precipitacións en xullo foi maior (cun 93% e 91%, respectivamente).
Tras facer un resumo do balance climatolóxico do mes pasado, Paula Uría anunciou tamén que desde hoxe xa se pode consultar a predición específica de MeteoGalicia, por horas e en cada concello galego, para o día 12 de agosto, coincidindo coa eclipse total.
Galicia será unha das rexións nas que mellor se poderá observar este fenómeno astronómico de carácter excepcional aínda que a visibilidade dependerá en gran medida das condicións meteorolóxicas.
Por iso, a directora animou á xente que teña pensado desfrutar da eclipse na Comunidade a consultar a previsión para a xornada do mércores no lugar de observación escollido a través do apartado habilitado na web de MeteoGalicia, que permite acceder a un mapa e desde aí, pinchando sobre cada concello, a unha pestana co prognóstico para a mañá, a tarde e a noite do 12 de agosto, así como ao resto de información detallada por horas.
En canto á predición xeral para ese día, Uría explicou que os prognósticos do tempo son favorables na maior parte das zonas de Galicia nas que se poderá observar este fenómeno de forma total. En concreto, o 12 de agosto a Comunidade estará nunha situación intermedia entre o anticiclón situado sobre o centro de Europa e as baixas presións no Atlántico. Con este contexto, agárdanse para as primeiras horas do día nubes baixas no terzo norte, néboas no interior e brétemas nas Rías Baixas que a medida que avance a mañá darán paso a ceos despexados en toda Galicia.
A partir de media tarde volverán entrar as nubes baixas polo norte, polo que cara á noite, os concellos das comarcas de Terra de Soneira, Bergantiños, A Coruña, Ortegal e a Mariña de Lugo son os que teñen máis probabilidade de que o ceo se vaia cubrindo de norte a sur.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
