martes, 16 de junio de 2026
Nota de prensa remitida por el Gabinete de Comunicación de la Xunta de Galicia:
O presidente do Goberno galego, Alberto Núñez Feijóo, destacou a aprobación no Consello da Xunta do Plan de Vivenda de Galicia 2015-2020, cun paquete de medidas concretas para facilitar o acceso á vivenda aos que máis o necesitan, ademais doutros programas de construción de vivenda e rehabilitación.
Máis polo miúdo, Feijóo explicou que o plan supón un movemento económico de 600 millóns de euros, dos cales 307 millóns son fondos públicos; beneficiará a 152.000 galegos; e a previsión é que se crearán algo máis de 26.500 postos de traballo. E vaise artellar en torno a tres eixos: acceso a vivenda, rehabilitación de vivendas e renovación urbana e prevención da exclusión residencial, engadiu.
No tocante ao acceso á vivenda, Feijóo afirmou que esta iniciativa ponse en marcha para vender o parque antigo de vivendas públicas, que inclúe unha opción de compra para os adxudicatarios de vivendas de promoción pública en alugueiro.
Así mesmo, e por primeira vez, o SAREB cederá vivendas a Xunta -de momento 100 vivendas-, para que poidan ser alugadas por poboación con especiais dificultades económicas; e impulsaranse e coordinaranse programas cos municipios para destinar a alugueiro vivendas propias dos concellos ou de particulares, contando co respaldo do IGVS, que ofrecerá un seguro multirrisco.
En relación á rehabilitación -que conta cun orzamento de 133 millóns dos 307 millóns-, o titular da Xunta avanzou que se convocarán axudas para fomentar o remate de fachadas dentro da mellora da paisaxe de Galicia. E, dentro das iniciativas para previr a exclusión social, destacou a creación dun bono alugueiro para situacións de emerxencia social, para evitar o desafiuzamento de familias que estean a atravesar situacións de especial dificultade; e axudas para reparar infravivendas rurais en pequenos concellos, que poden chegar a 8.000 euros.
En definitiva, estamos a falar dun plan que define as liñas estratéxicas das políticas públicas na materia; que suporá un movemento económico de algo máis de 600 millóns de euros; que terá unha dotación de presupostos de 307 millóns de euros e que ten como obxectivo principal facilitar o acceso á vivenda, especialmente de persoas que máis o necesitan e previr a exclusión social, aseverou, a modo de resumo.
Pola súa banda, a conselleira de Medio Ambiente, Territorio e Infraestruturas, Ethel Vázquez, incidiu en que o plan conta con 307 millóns de investimento ata 2020 que redundarán directamente nas facilidades de acceso a unha vivenda digna para as persoas con maiores dificultades económicas. Pero tamén redundará positivamente na actividade económica do país, posto que este investimento público inducirá outro tanto de investimento privado para superar os 600 M o que activará máis de 26.000 postos de traballo entre directos e indirectos. Non podemos esquecer que a edificación, e sobre todo, a rehabilitación é a obra pública que máis traballadores mobiliza en relación ao seu investimento, engadiu.
Ethel Vázquez concluíu a súa intervención facendo fincapé en que con esta iniciativa pretendemos facilitar a máis de 150.000 persoas o acceso a unha vivenda digna nos vindeiros cinco anos, un tempo clave, xa que no camiño da recuperación económica a tranquilidade de contar cunha vivenda é un elemento fundamental de cara á recuperación social dunha familiar que está pasando por dificultades.
A posta en marcha do Rexistro galego de persoas centenarias, Regace, sitúa Galicia nunha posición de referencia para o estudo da lonxevidade, posibilitando coñecer mellor as claves deste fenómeno e afrontar os retos que presenta. Preto de 1.800 persoas de cen ou máis anos viven na comunidade galega, o que supón ao redor do 12 % de toda a poboación centenaria de España, un dato que fala da realidade demográfica de Galicia e reflicte unha oportunidade única para aprender, investigar e avanzar. Deste xeito, Galicia presenta un dos mellores resultados no que a esperanza de vida se refire: 81,19 anos para os homes e 86,83 para as mulleres, superando en ambos os casos a media estatal.
A mostra a 'Illa ignorada' estará aberta ata o 12 de febreiro de 2027 e toma o seu título do primeiro poemario da escritora Gloria Fortes. Nela cabe destacar os traballos tanto dos artistas galegos Alberto Ardid, Vicente Blanco, Andrea Costas, Caxigueiro, Fina Mantiñán, Juan Carlos Meana, Ariadna Silva, Seoane e María Elena Montero, como os de Abel Azcona, Amparo Garrido, Regina Giménez, Antoni Muntadas, Sonia Navarro, Íñigo Royo, Regina Silveira. Ademais desta nova mostra, o centro tamén inaugurou a ampliación, no dobre espazo do Centro Galego de Arte Contemporánea, da exposición Misha Bies Golas, que abriu ao público o pasado 22 de maio cunha escolma de máis de dúas décadas da creación heteroxénea do lalinense Miguel Calvo Ulloa, un dos fundadores do colectivo Nova Escultura Galega.
