viernes, 7 de agosto de 2026
Nota de prensa remitida por el Gabinete de Comunicación de la Xunta de Galicia:
O secretario xeral para o Deporte, José Ramón Lete Lasa, felicitou á escudería Ourense por ser quen de manter o Rallye de Ourense-Ourense Termal entre as principais carreiras de asfalto a nivel nacional e pola súa contribución á promoción da cidade e da provincia de Ourense fóra de Galicia.
Para Lete Lasa, o nome Ourense Termal que acompaña á proba desde o ano 2008 é unha intelixente maneira de aproveitar a capacidade deste Rallye para difundir a imaxe de Ourense no exterior e promover os seus grandes atractivos, como dobre capital do automobilismo e do termalismo, sinalou durante o acto de presentación celebrado hoxe na Estación Termal das Burgas, no casco histórico da cidade.
Ademais de agradecer o apoio a esta proba por parte das federacións española e galega de automobilismo, a Deputación de Ourense e os diversos concellos implicados, o titular de Deportes da Xunta quixo recoñecer o labor de todas as institucións e empresas implicadas no desenvolvemento do termalismo como eixo dinamizador de Ourense e animou a seguir unindo o deporte ourensán coa riqueza das augas mineromedicinais desta terra, o seu rico pasado romano e as súas vinculacións co Camiño de Santiago, recursos todos eles que aumentan aínda máis a beleza paisaxística e o atractivo de Ourense, tanto para o turismo deportivo e de aventura, como para o turismo de saúde, cultural e de natureza
O Rallye Ourense-Ourense Termal
O Rallye Ourense-Ourense Termal forma parte do Campionato de España de Rallyes de Asfalto e é a segunda das tres probas nacionais que se celebrará en Galicia, logo da que comeza mañá en Vigo Rallye Rías Baixas- e da que terá lugar en Ferrol no mes de agosto.
Consta de 12 tramos cronometrados que suman unha distancia total de 200,88 quilómetros, sendo a distancia total do percorrido de 482,67 quilómetros.
Este ano, a cerimonia de saída substitúese por un tramo espectáculo de 1,87 quilómetros de lonxitude, en superficie de asfalto, que se disputará ás 20.35 h do venres día 13 na Cidade do Transporte, no polígono industrial de San Cibrao das Viñas, en Ourense.
A carreira permite puntuar ademais para os seguintes trofeos: Copa Suzuki Swift 2014, Copa Mitsubishi Evo Cup Asfalto 2014, Copa Renault 2RM, e Dacia Sandero Rallye Cup RFEDA 2014.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
