lunes, 20 de abril de 2026
Nota de prensa remitida por el Gabinete de Comunicación de la Xunta de Galicia:
A Consellería de Cultura, Educación e Ordenación Universitaria resolveu a convocatoria de subvencións 2013 para o desenvolvemento de proxectos audiovisuais en lingua galega, a través da que financiará cun total de 150.000 euros a posta en marcha de seis novas longametraxes de ficción, tres documentais e unha película de televisión a cargo de 10 empresas galegas.
Trátase dos proxectos presentados por Xamalú Filmes, Vaca Films, Matriuska Producciones, Dos Treinta y Cinco PC, Maruxiña Film Company, Zircozine, Socialdocs, Esferobite, Bambú Producciones e Zenit Televisión que optaron a esta liña de axudas convocadas pola Agadic (Axencia Galega das Industrias Culturais) no pasado mes de setembro.
As cantidades adxudicadas, que se librarán con cargo aos orzamentos de 2013 e 2014, están dirixidas ao financiamento de operacións necesarias previas á preprodución, tales como a adquisición de dereitos, os traballos de investigación, a escrita e análise de guións, a selección dos equipos técnicos e artísticos, a procura de socios, ou a realización de teasers ou capítulos piloto, entre outras cuestións.
Estas axudas forman parte dun completo plan para o fomento do audiovisual galego por parte da Consellería, que apoia firmemente o labor deste sector coa finalidade principal de estimular o seu crecemento en Galicia e a súa potencialidade artística, así como de facer os seus produtos máis fortes e competitivos nos mercados internacionais. Neste sentido, a adxudicación súmase ás convocatorias de subvencións á produción e coprodución audiovisual de longametraxes en lingua galega (actualmente en trámite de resolución), á que se destinan 1.100.000 euros, e á da promoción do talento audiovisual (recuperada este ano e xa resolta), dotada con 66.000 euros.
Os títulos das longametraxes subvencionadas son Migas de pan, de Xamalú, que recibirá 18.914,81 euros; Cen anos de perdón, de Vaca Films, adxudicataria de 17.551,58 euros; A estación violenta, de Matriuska, á que se outorgaron 15.643,06 euros; El secreto de Santa Marta de Camariñas, que recibirá 17.040,37 euros; Islandia, de Maruxiña, 13.884,38 euros e Estación Libertad, de Zircozine, que contará con 16.017,94 euros para iniciar o seu proxecto.
Tamén figuran como beneficiarios os documentais das compañías Socialdocs Valente: os camiños da poesía con 11.821,75 euros; de Esferobite Versogramas con 3.694,16 euros e de Bambú Producciones El gourmet desaparecido, con 16.517,15 euros. Na mesma resolución resultou adxudicataria a TV-movie titulada Juana de Vega e a alumna da liberdade, de Zenit Televisión, con 18.914,80 euros.
Todos os beneficiarios son persoas físicas ou xurídicas constituídas como produtoras audiovisuais independentes, con sucursal ou oficina permanente en Galicia polo menos dun ano con carácter previo á convocatoria. A resolución rexeuse polo sistema de concorrencia competitiva, no que se aplicaron taxativamente os criterios e baremos expresados nas bases correspondentes.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
