jueves, 12 de noviembre de 2026
Nota de prensa remitida por el Gabinete de Comunicación de la Xunta de Galicia:
O Goberno galego conseguiu aforrar ata 3,9 millóns de euros no primeiro trimestre do ano en relación con mesmo período do ano anterior como consecuencia da redución nun 17,5% do número de baixas laborais rexistradas entre xaneiro e marzo no ámbito de Función Pública e dun 17% no Servizo Galego de Saúde.
Así se recolle nun informe presentado ao Consello da Xunta pola titular de Facenda, Elena Muñoz Fonteriz, no que se indica que en Función Pública esta diminución foi máis significativa en marzo en relación ao mesmo mes de 2011, cunha caída do 27,3.
En canto ás baixas iniciadas nos primeiros tres meses do ano, contabilizáronse un total de 2.163, un 23,7% menos que en 2011, descenso que tamén foi maior comparando o mes de marzo de 2012 co mesmo período do ano anterior, cunha diminución do 48,4%.
Ademais, o nivel de absentismo foise reducindo de maneira progresiva a longo desta lexislatura ata un 27,1%.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
