lunes, 26 de mayo de 2025
Según ha explicado el presidente de la Xunta, Alberto Núñez Feijóo, la nueva norma también profundiza "en la autonomía y profesionalización" de las cooperativas, ya que "flexibiliza los apoderamientos" de forma que cualquier persona podrá actuar como "director" de la sociedad con los correspondientes poderes, mientras que hasta ahora sólo podían hacerlo "los consejeros delegados".
"Se trata de adaptar a la realidad una normativa vigente y reforzar una fórmula especialmente útil frente a la crisis", ha justificado Feijóo, quien ha explicado que en el año 2010 se crearon 40 nuevas cooperativas con hasta 1.500 nuevos socios, "el doble" que en 2009. "El mercado entiende que esta fórmula jurídica es mejor que otras", ha añadido, convencido de que el reto es "renovar" una ley del año 98 y adecuarla a las "nuevas necesidades".
Nota de prensa remitida por el Gabinete de Comunicación de la Xunta de Galicia:
O titular do Goberno galego, Alberto Núñez Feijóo, subliñou, na rolda de prensa posterior ao Consello da Xunta, que a nova Lei de Cooperativas de Galicia permitirá, no ámbito económico, a innovación con novas fórmulas; reforzará o compromiso social das mesmas; e, no ámbito organizativo, afondará na autonomía e na profesionalización da xestión das cooperativas.
Neste sentido, Feijóo explicou que, no tocante as novas fórmulas, a norma permitirá, en primeiro lugar, a redución xeneralizada do número mínimo de socios co fin de estimular a posta en marcha destas sociedades, pasándose dun mínimo actual de catro socios a outro de tres.
Ademais, a futura lei creará unha nova clase de cooperativa, a denominada cooperativa mixta de traballo asociado, que, como resaltou o presidente galego, se caracteriza por incorporar socios de capital permitindo que un dos socios sexa realmente o que capitalice a cooperativa. Deste xeito, se impulsa o cooperativismo no sector industrial, contribuíndo á captación de capital e de posibles terceiros socios, pero preservando o acceso efectivo dos traballadores da cooperativa á propiedade da empresa.
No que se refire ao reforzo e compromiso social das cooperativas, o titular do Executivo autonómico resaltou que o novo texto amplía as finalidades do fondo de formación e promoción das cooperativas. Dito fondo, segundo explicou Feijóo, poderá destinarse á conciliación da vida familiar e persoal, á igualdade da responsabilidade social, e tamén ao apoio a proxectos de emprendedores cooperativos. Ademais, se incorporan disposicións dirixidas a garantir e rexer o principio de igualdade entre homes e mulleres.
Por outra banda, no ámbito organizativo, a nova Lei afondará na autonomía e na profesionalización da xestión das cooperativas. Neste contexto, Núñez Feijóo sinalou que a norma permite flexibilizar a regulación dos apoderamentos xerais e singulares. Calquera persoa física coas facultades de representación, xestión e dirección explicou Feijóo- poderá ser obxecto deste apoderamento legal para facilitar a xestión ordinaria cunha maior profesionalidade, competitividade e axilidade.
Neste sentido, compre sinalar que, actualmente, a lei só permite a delegación de facultades de xestión e dirección a favor de conselleiros delegados, é dicir, a favor de membros do consello reitor. Co cambio, se permite a delegación a favor de calquera persoa física, facilitando a profesionalización das cooperativas, incidiu Feijóo.
Así mesmo, a norma posibilita a válida constitución das asembleas xerais en segunda convocatoria, e a plena validez dos acordos adoptados con independencia dos socios asistentes, fronte ao texto actual que, como lembra o presidente da Xunta, bloqueaba, se non había un quorum, o funcionamento da cooperativa.
Neste campo, se substitúe, nas cooperativas agrarias, a maioría necesaria para aprobación polo voto ponderado. Consiste na atribución de máis dun voto aos socios que teñan máis volume de actividade cooperativizada, o que na práctica facilitará a súa aplicabilidade real, explica Feijóo.
O presidente galego apuntou que a norma persegue adaptar á realidade actual unha normativa vixente, ao tempo que busca reforzar un sector tan importante para a nosa comunidade, que sostén arredor de 20.000 empregos e se configura como unha forma especialmente útil fronte á crise económica.
Así, e como lembrou Feijóo, no 2010 se crearon 40 cooperativas novas e se incrementaron os novos socios en 1.500, o dobre que no ano 2009, cifras que sitúan ás cooperativas como unha fórmula mellor, polo menos en época de crise, que outras fórmulas mercantís que existen no noso dereito.
Esta lei supón, ademais, un novo apoio da Xunta de Galicia ás cooperativas; apoio que, segundo recordou Feijóo, se está materializando xa en asesoramento e financiamento, con catro millóns de euros para promover o cooperativismo en Galicia.
En definitiva, -concluíu Feijóo- a Lei persegue flexibilizar, potenciar e capitalizar as cooperativas galegas como un instrumento para facer fronte a crise económica. Trece anos despois, a Xunta aborda unha modificación da Lei de cooperativas que abre as portas a novas fórmulas de unión, de organización, e que da respostas novas a necesidades novas.
Tivo lugar a V edición do Foro de Directores de Informática, que reuniu aos responsables de dixitalización das 17 Comunidades Autónomas, onde se debateu o papel das administracións públicas para garantir que a intelixencia artificial beneficie a toda a poboación, con independencia das condicións sociais ou económicas. Os responsables autonómicos compartiron experiencias e analizaron os retos para a aplicación de tecnoloxías como a ciberseguridade ou a intelixencia artificial. Houbo, así mesmo, unha sesión de traballo para analizar o futuro dos fondos europeos para avanzar na modernización tecnolóxica das rexións.
Desde o Xacobeo 21-22, máis de 2,5 millóns de persoas participaron nas actividades impulsadas baixo esta marca, que se consolidou como un motor económico e social. Este ano, os Concertos do Xacobeo acollerán case 100 eventos en máis de 50 localidades de toda Galicia, reunindo a 700 artistas de primeira liña, tanto internacionais como nacionais e galegos. A programación combinará grandes nomes da escena musical global, como Kings of Leon, Lenny Kravitz ou Alanis Morisette, con recoñecidos artistas galegos como Tanxugueiras, Guadi Galego ou Xoel López. A diversidade da programación, tanto en estilos como en formatos, permitirá atraer a públicos variados e reforzar a imaxe de Galicia como destino cultural dinámico, onde tradición e modernidade conviven nos escenarios.
