viernes, 23 de octubre de 2026
Baixo a dirección do catedrático e investigador Luis Liz Marzán, a cita contará por cuarto ano co apoio do Centro de Investigación en Nanomateriais e Biomedicina da Universidade de Vigo (CINBIO), reunindo a especialistas de primeiro nivel nos eidos da nanociencia, a nanomedicina ou a nanoquÃmica. Procedentes de Michigan, Amsterdam, Bath ou Amberes, entre outros lugares do mundo, acudirán ao encontro, que terá lugar os dÃas 3 e 4 de xuño no salón de actos do edificio de Ciencias Experimentais do campus de Vigo.
Máis relatorios e maior presenza nacional, entre as novidades desta IV edición
A cuarta edición de The Thinking Institute estará marcada por unha maior presenza de expertas e expertos nacionais que, sumándose a especialistas internacionais nos eidos da nanociencia, a biomedicina e a nanoquÃmica, conformarán o panel máis extenso da súa historia cun total de once relatorios: Nicholas Kotov (University of Michigan); Maurizio Prato (CIC biomaGUNE); Wiebke Albrecht (NWO-Institute AMOLF); Robin Girod (University of Antwerp); Joerg Lahann (University of Michigan); Ventsislav Valev (University of Bath); Gustavo Bodelón (CINBIO, Universidade de Vigo); JoaquÃn Castilla (CIC bioGUNE); Nùria López (ICIQ); José M. Taboada (Universidad de Extremadura) e Miguel Correa (investigador e director do CINBIO).
“O tema central desta edición será a quiralidade, unha propiedade xeométrica fascinante que está presente en incontables aspectos das nosas vidas como as galaxias, as nosas mans ou o ADN”, comenta Luis Liz, quen engade que as persoas relatoras foron escollidas precisamente para representar temas variados arredor desta propiedade.
Para asistir ao congreso é necesaria a inscrición previa a través da páxina web do CINBIO, onde tamén está dispoñible o programa completo.
O congreso coincidirá co lanzamento do proxecto Chiral-Pro
Nesta ocasión, The Thinking Institute faise coincidir coa reunión inicial do proxecto ERC Synergy Grant Chiral-Pro, coordinado polo investigador Luis Liz Marzán e no que participan tamén a profesora Sara Bals, da Universidade de Amberes, e o profesor Nicholas Kotov, da Universidade de Michigan, que estarán acompañados por persoal investigador dos seus correspondentes equipos, reforzando o carácter internacional do evento.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañÃas, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artÃstico durante a presentación.
