jueves, 12 de noviembre de 2026
Nota de prensa remitida por el Gabinete de Comunicación de la Xunta de Galicia:
A conselleira de Facenda, Marta Fernández Currás, salientou hoxe que Galicia será pioneira en contar cunha Lei de Disciplina Orzamentaria, que limitará o gasto non financeiro cando o PIB real supere o 2,5%, o que permitirá garantir a sostibilidade financeira dos servizos públicos.
Fernández Currás, que presentou no Parlamento este proxecto de Lei, cualificou de oportuna esta medida para garantir o financiamento, en épocas de recesión, dos servizos públicos ante unha limitación da posibilidade de acudir ao déficit público como solución, así como para manter a débeda pública en límites prudentes.
A titular de Facenda, que enmarcou este proxecto na autonomía financeira de Galicia e na lealdade institucional, sinalou que un dos obxectivos é que os recursos extraordinarios non financien gasto estrutural, senón que se dediquen a investimentos produtivos ou a amortizar débeda.
Marta Fernández Currás explicou que por iso o Goberno galego afronta esta iniciativa lexislativa, que permitirá aos futuros conselleiros de Facenda evitar unha situación financeira tan complicada como a que herdou ela.
Así, lamentou que durante o anterior Goberno o gasto non financeiro crecese constantemente por riba do PIB nominal e lembrou que de terse aplicado esta regra fiscal hoxe Galicia tería 2.000 millóns de euros menos de débeda, menos gasto burocrático, menos estrutura e aforraría 400 millóns de euros durante a lexislatura en custes financeiros, que se poderían destinar a outras políticas públicas máis produtivas como son as políticas sociais.
A conselleira enmarcou esta iniciativa na autonomía financeira de Galicia en un exercicio de responsabilidade e de lealdade institucional e avanzou que a futura norma permitirá fixar xa este ano un teito de gasto non financeiro para os orzamentos de 2012 para asignar os recursos dentro do enfoque do Plan Estratéxico 2010-2014-Horizonte 2020.
Cooperación entre administracións
Fernández Currás tamén demandou unha política de cooperación entre administracións para poder cumprir cos compromisos, xa que lembrou que nos dous últimos anos só dúas comunidades, Madrid e Galicia, cumpriron o obxectivo de estabilidade orzamentaria.
Neste senso, insistiu na necesidade de recuperar esa cultura cooperativa e a lealdade institucional como principio básico de actuación e engadiu que o primeiro paso que debe dar o Goberno central deber ser o cumprimento do sistema de financiamento autonómico, xa que Galicia ten reclamado 805 millóns de euros derivado deste incumprimento.
A conselleira indicou que non se pode avanzar no camiño da estabilidade desprazando déficit da Administración central ás comunidades autónomas porque considera que non é responsable nin traerá ningunha boa noticia para economía. Desta forma, concluíu o primeiro paso é o respecto ao principio constitucional como é o de autonomía financeira.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
