jueves, 12 de noviembre de 2026
En rueda de prensa, el conselleiro de Economía e Industria, Javier Guerra, ha presentado el texto que estará abierto a alegaciones durante 20 días y ha manifestado que prevé que entre en el parlamento para su debate en verano. Guerra ha explicado que con esta norma se elaborarán, además de este plan director a medio y largo plazo, programas específicos centrados en la innovación, la internacionalización y la competitividad, y que se creará la figura de los proyectos industriales estratégicos, que serán aprobados en el Consello de la Xunta y considerados prioritarios.
Nota de prensa remitida por el Gabinete de Comunicación de la Xunta de Galicia:
O conselleiro de Economía e Industria, Javier Guerra, presentou o primeiro anteproxecto de Lei de Política Industrial de Galicia deseñado pola Xunta de Galicia para planificar e acelerar a dinamización económica e a consolidación e creación de emprego industrial na Comunidade Autónoma.
Os obxectivos do novo marco normativo para dinamizar a actividade industrial, explicou o conselleiro, son acrecentar a súa produtividade, competitividade e calidade; impulsar un novo modelo económico baseado nun crecemento sustentable; e contribuír a unha maior cohesión económica, social e territorial de Galicia.
Javier Guerra destacou que a Lei fará máis eficaces as políticas e programas públicos de apoio á Industria galega, a partir da posta en marcha de novidades significativas, como a creación dun marco legal para a planificación industrial; a institucionalización de espazos de participación e diálogo entre os axentes privados e a Administración; o recoñecemento e definición dos clúster empresariais como instancias colaborativas das empresas agrupadas sectorialmente; o establecemento dun Plan Director para a definición de políticas de longo alcance e a articulación de programas específicos de innovación, internacionalización e mellora da competitividade, como eixos transversais.
Ademais, o anteproxecto de Lei prevé mecanismos para favorecer a aplicación das iniciativas previstas, ao establecer a regulamentación e simplificación de procedementos administrativos, a regulación da execución dos Programas de Impulso da Actividade Industrial e a execución de Proxectos Industriais Estratéxicos, destinados a captar investimentos relevantes.
O titular de Industria apuntou que o deseño do anteproxecto desenvolveuse tendo en conta que a dinamización da Industria galega é un obxectivo transversal, no que están implicados numerosos axentes económicos e sociais, presentes na Xunta de Galicia, no Instituto Galego de Promoción Económica (Igape), nas entidades locais galegas, no novo Consello Galego de Industria e nos clústers empresariais.
No que se refire ao Plan Director da Industria de Galicia, o conselleiro adiantou que conterá políticas de longo alcance e que o seu desenvolvemento incluirá as liñas xerais e as directrices básicas da política industrial galega e engadiu que o texto tamén contempla a articulación de programas específicos de innovación, internacionalización e mellora da competitividade, como eixos transversais.
Por outra banda, Javier Guerra salientou a creación do Consello Galego de Industria como órgano de participación dos axentes públicos e privados implicados na planificación e execución da política industrial e asesoramento da Xunta de Galicia. O Consello será un espazo de participación para favorecer a cooperación entre os axentes económicos e da Administración, habilitado a xeito de canle de comunicación e transmisión de información entre os seus membros para formular, mediante o diálogo e a deliberación, propostas, estudos e informes.
A nova normativa porá en marcha tamén o Rexistro de Clusters Empresarias Galegos, posto que son estes conglomerados empresariais os que se amosan coa maior capacidade para a xeración de coñecemento e de creación e difusión da innovación dentro de cada eido de actividade industrial.
Para concluír, Javier Guerra sinalou que a nova lei está orientada a mellorar a transparencia e a eficacia da asignación dos recursos públicos, coordinando e concentrando os esforzos na estimulación da actividade industrial galega.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
