viernes, 8 de mayo de 2026
Nota de prensa remitida por el Gabinete de Comunicación de la Xunta de Galicia:
O director xeral de Relacións Exteriores e coa UE, Jesús Gamallo, anunciou no Parlamento que a Xunta está a manter contactos con outras Autonomías afectadas pola saída do obxectivo converxencia da UE a partir de 2014 -como Andalucía e Castela-A Mancha- co obxecto de definir unha estratexia conxunta para a defensa dunha axuda transitoria ante o Goberno de España.
Así o manifestou Gamallo, en resposta a unha pregunta parlamentaria sobre as actuacións dos Gobernos autonómico e central para que se articule unha axuda transitoria para aquelas rexións que, como Galicia, abandonan por primeira vez o obxectivo de converxencia da Unión Europea no próximo período financeiro comunitario.
Fotografía: archivo GD / Xunta de Galicia
Segundo o director xeral este contacto é fundamental tendo en conta que o debate sobre a futura política europea está cobrando cada día máis intensidade e que a proposta lexislativa para o marco financeiro da UE de cara a este novo período se adoptará este verán.
Ademais, Gamallo insistiu na necesidade dunha postura firme e clara en favor desta axuda por parte de Madrid, ao tratarse dun tema de crucial importancia para o futuro de Galicia, entre outras comunidades. Nos numerosos contactos mantidos coa Comisión Europea dende 2009, os representantes desta institución comunitaria recollen a nosa mensaxe e apoian a nosa demanda pero insisten en que é preciso que esa demanda sexa tamén formulada polo goberno de España, explicou o director.
Tendo en conta os últimos datos dispoñibles do PIB per cápita para 2008, Galicia ten un 88,9 por cento, polo que se sitúa fora do actual obxectivo converxencia -situado no 75 por cento- e, polo tanto, sufrirá unha importante redución dos recursos financeiros procedentes de Europa.
Á vista desta situación, a Xunta de Galicia decidiu en maio de 2009 apostar de cheo pola defensa dunha axuda transitoria para Galicia a partir de 2014 que asegure a consolidación dos esforzos feitos ata agora na nosa rexión e que permita consolidar os resultados do proxecto europeo na nosa Comunidade Autónoma.
No marco da definición sobre a futura política europea de cohesión e co obxectivo de facerse oír no debate europeo, ideouse a Convergence Regions on the Way to Cohesion (CROWC), unha iniciativa dirixida ás 20 rexións europeas que, como Galicia, abandonarán o obxectivo converxencia a partir de 2014.
Entre os obxectivos desta rede está o de transmitir ás institucións comunitarias, aos Estados membros e a todos os actores europeos implicados no debate sobre o futuro da política de cohesión os argumentos que avalan a articulación dunha axuda transitoria para estas rexións.
Ademais, a CROWC tamén pretende sumar apoios para a defensa desta axuda transitoria no próximo período financeiro. Así, Galicia mantivo encontros bilaterais e colectivos con todas as rexións afectadas que contan con representación en Bruxelas. As reaccións a esta iniciativa, no contexto das reunións bilaterais, foron positivas e existe consenso sobre os argumentos defendidos por CROWC.
Neste sentido, cabe salientar o último destes encontros, o pasado 28 de marzo, entre o conselleiro de Presidencia, Alfonso Rueda, e o secretario de Estado para Asuntos Europeos da rexión alemá de Saxonia- Anhalt, Michael Schneider. Nesta reunión, que tivo lugar na sede da Fundación Galicia Europa, ambos manifestaron intereses comúns e coincidiron plenamente na necesidade de manter unha axuda transitoria para garantir os investimentos realizados ata agora e consolidar os avances experimentados.
A programación desta nova edición volverá combinar espectáculos de sala, funcións de rúa, instalacións, música e propostas participativas arredor do mundo dos monicreques, con compañías galegas como Tanxarina Títeres, Títeres Alakrán, Babaluva, Mircromina, Trécola Producións, Troula Animación ou Bico de Toupa, xunto a formacións chegadas de diferentes puntos do Estado e de países como Francia, Italia, Portugal, Uruguai ou Arxentina. Entre as montaxes destacadas figura A Biblioteca Galáctica contra IA Fantástica, de Tanxarina Títeres, recoñecida nos Premios María Casares 2026, ademais de propostas premiadas como Gloria Bendita, de Arteria Producciones, ou Érase unha vez
dous pés!, da italiana Teatro dei Piedi.
Os bos resultados acadados nos últimos anos en biotecnoloxía sitúan a Galicia nunha posición de referencia neste sector, con moita proxección de futuro. A biotecnoloxía pasou de ser unha aposta estratéxica a converterse nun sector económico e científico con masa crítica, capacidades diferenciais e resultados medibles. Así o amosan os resultados acadados na execución da Estratexia de consolidación do sector en Galicia 21-25. Entre eles, destaca a creación de 30 novas empresas biotecnolóxicas, acadando a cifra de 162 compañías actuais; unha facturación de 2.037 millóns de euros, que cuadriplica a de 2021 e se sitúa no 2,6% do PIB; ou o aumento do emprego cualificado vencellado ao sector, acadando as 5.693 persoas traballadoras, tres veces máis desde 2021.
