domingo, 25 de mayo de 2025
Nota de prensa remitida por el Gabinete de Comunicación de la Xunta de Galicia:
A Secretaría Xeral para o Turismo, dependente da Consellería de Cultura e Turismo, vén de facer públicos os datos estimativos de ocupación turística ofrecidos pola Confederación de Empresarios de Hostelería de Galicia (CEHOSGA) de cara a vindeira Semana Santa, que falan dun total do 70% no conxunto da comunidade autónoma.
Así, e segundo os datos de reservas ofrecidos pola patronal a día 11 de abril, a media dos establecementos hoteleiros da provincia da Coruña acadaría un máximo do 68,23%, seguidos dos da provincia de Pontevedra, cun promedio de ocupación lixeiramente inferior, en concreto do 68,14%. A categoría de hoteis da provincia de Lugo estímase nun 64,27% mentres que os de Ourense quedarían nun 59,27%.
A cifra estimativa extraída tendo en conta as reservas actuais ofrecidas pola patronal, que traballa en constante colaboración coa Administración turística galega, poderán variar en función das condicións climatolóxicas que se dean durante o período festivo. Outro condicionante pode ser o comportamento do consumidor, que tende, cada vez máis, a realizar ou cancelar reservas a última hora. En xeral, as previsións detectan unha tendencia máis favorable na ocupación dos establecementos de categoría superior fronte aos de categorías inferiores, dado aos baixos prezos ofertados nos primeiros.
No caso da provincia de A Coruña, aumenta considerablemente a cifra de ocupación na zona de Ferrol, cuxa Semana Santa está declarada como de Interese Turístico Nacional, e en Santiago de Compostela. Na provincia de Lugo a porcentaxe de previsión ascende na zona da Mariña Lucense, onde tamén contan coa coñecida Semana Santa de Viveiro. En Ourense a previsión é maior no caso dos hoteis balnearios, mentres que en Pontevedra sobresaen zonas de costa como Sanxenxo, Baiona e Vilagarcía.
Antes do comezo da Semana Santa realizarase unha segunda previsión de cifras de ocupación para tentar de axustala o máximo posible á realidade.
Meteogalicia: http://www.meteogalicia.es/web/index.action
Tivo lugar a V edición do Foro de Directores de Informática, que reuniu aos responsables de dixitalización das 17 Comunidades Autónomas, onde se debateu o papel das administracións públicas para garantir que a intelixencia artificial beneficie a toda a poboación, con independencia das condicións sociais ou económicas. Os responsables autonómicos compartiron experiencias e analizaron os retos para a aplicación de tecnoloxías como a ciberseguridade ou a intelixencia artificial. Houbo, así mesmo, unha sesión de traballo para analizar o futuro dos fondos europeos para avanzar na modernización tecnolóxica das rexións.
Desde o Xacobeo 21-22, máis de 2,5 millóns de persoas participaron nas actividades impulsadas baixo esta marca, que se consolidou como un motor económico e social. Este ano, os Concertos do Xacobeo acollerán case 100 eventos en máis de 50 localidades de toda Galicia, reunindo a 700 artistas de primeira liña, tanto internacionais como nacionais e galegos. A programación combinará grandes nomes da escena musical global, como Kings of Leon, Lenny Kravitz ou Alanis Morisette, con recoñecidos artistas galegos como Tanxugueiras, Guadi Galego ou Xoel López. A diversidade da programación, tanto en estilos como en formatos, permitirá atraer a públicos variados e reforzar a imaxe de Galicia como destino cultural dinámico, onde tradición e modernidade conviven nos escenarios.
