domingo, 28 de junio de 2026
O presidente da Xunta de Galicia, Alberto Núñez Feijóo, destacoe que o mes de xuño volve mrcr un record e convértese "no mellor mes da década" en canto a número de viaxeiros e pernoitas rexistrados en Galicia. Baseándose nos datos do Instituto Nacional de Estadística correspondentes ao primeiro semestre do ano, Feijóo incidiu en que "todo apunta a que estamos xa con catro millóns de viaxeiros no primeiro semestre do ano 2010" e, considerando que a proxección nun primeiro semestre é un 40% do total de visitantes, recalcou que "estamos en condicións de poder manter o obxectivo de conquerir oito millóns de visitantes, que era o obxectivo do Xacobeo 2010" e lograr "un incremento do turismo en pleno momento de crise económica".
Trala reunión do Consello da Xunta, o mandatario galego deu conta do balance de ocupación turística en Galicia, do que destacou que medrou o número de viaxeiros nun 12,6% no primeiro semestre deste ano con respecto ao mesmo período do ano pasado, en un 6,4 por cento máis con respecto ao primeiro semestre do Xacobeo 2004, e o dobre que no resto de España. No caso concreto de xuño, o presidente destacou que o número de viaxeiros incrementouse nun 19,5% neste mes que se converte así "no mellor mes de xuño dos últimos dez anos".
Respecto ao incremento das pernoitas para o mencionado período, Feijóo informou de que medraron nun 9% con respecto ao ano pasado, nun 6,6% con respecto ao último Xacobeo e dun 3% se se compara coa media nacional. Tamén salientou que hai "un numero importante de persoas aloxados en hoteis e pensións", sector que rexistrou un incremento das pernoitas do 13%, mentres que o aumento en apartamentos turísticos e campings foi do 1,9%.
No que se refire a prezos hoteleiros, o presidente salientou unha subida do 2,7% en contraposición coa media estatal que rexistra unha baixada de prezos do 1,4%. "Polo tanto estamos aguantando non só o número de viaxeiros, non só o número de visitantes, senón tamén os custes hoteleiros e polo tanto os beneficios do sector turístico en Galicia", recalcou o presidente, quen concluíu que "o Ano Santo Xacobeo está cumprindo os seus obxectivos desde o punto de vista social , desde o punto vista cultural e desde o punto de vista económico".
O presidente da Xunta, Alfonso Rueda, destacou que, entre os obxectivos principais da nova Estratexia da Biotecnoloxía en Galicia, está a incrementar nun 20% os empregos no sector para chegar aos 7.000 en 2030 así como ampliar un 15% o número de investigadores neste eido e acadar os 1.600. Durante a presentación da Estratexia da Biotecnoloxía de Galicia 2026-2030, na que estivo acompañado de Román Rodríguez e María Jesús Lorenzana, o presidente definiu o documento como 'unha visión compartida de país', as 'vimbias para facer este gran cesto do que vai ser o horizonte biotecnolóxico de Galicia os próximos cinco anos'.
Galicia formalizou en Bruxelas o traspaso de funcións para asumir, durante o vindeiro semestre, a representación de todas as Comunidades Autónomas de España no Consello de Ministros de Agricultura e Pesca da Unión Europea (Agrifish). Esta función estratéxica, coordinada a través da Consellería do Mar, confírelle á comunidade a responsabilidade de liderar e defender unha postura común forte ante a Unión Europea. O propósito é garantir que o peso socioeconómico e a realidade do sector mariñeiro galego e estatal conten con argumentos científicos sólidos nas futuras negociacións.
