martes, 5 de mayo de 2026
Nota de prensa remitida por el Gabinete de Comunicación de la Xunta de Galicia:
O presidente da Xunta de Galicia, congratulouse pola homenaxe numismática e filatélica ao Ano Santo Compostelán e amosou o seu desexo de que os coleccionistas e destinatarios compartan e divulguen a mensaxe de esperanza que trae consigo cada Xacobeo. Que este Ano Santo de 2010 coincida cunha situación de crise, -dixo- obriga inevitablemente a realizar gastos máis modestos, pero fai que resalte máis o significado profundo da celebración.
Así mesmo, lembrou que se a moeda única é o gran símbolo da nova Europa, o Camiño de Santiago é a ruta que labrou o europeísmo. Os peregrinos resaltou- ían deixando atrás os seus medos e atopando novas esperanzas. Saíran das súas terras de orixe cunha identidade local, e retornaron tras aprender a ser europeos, xunto a conxéneres que falaban diferentes linguas e aínda tiñan moedas diversas.
Feijóo, subliñou así, durante a presentación do selo e moeda conmemorativa do Xacobeo 2010, que neste acto se funden historia e modernidade. Na moeda de colección que hoxe se presenta, irmándase a efixie do gran protagonista da España democrática, a Súa Maxestade o Rei Don Juan Carlos, co botafumeiro que saúda ao peregrino; e o selo conmemorativo se incorpora a unha longa tradición, xa que son máis de sesenta selos alusivos que serviron para divulgar por todo o mundo as ilustracións do Códice Calixtino, ou as obras de grandes artistas galegos como Isaac Díaz Pardo ou Eugenio Granell.
No tocante ao Camiño de Santiago, o presidente do Goberno galego destacou que son dúas as respostas que atopan os peregrinos que fan o camiño: a cooperación e a esperanza. Quen chega a Santiago aseverou- fai aquí provisión de esperanza. A peregrinación ten a virtude de ser a un tempo solitaria e solidaria. Sirve para atoparse a un mesmo e para darnos conta de que pertencemos a unha comunidade máis ampla na que podemos atopar protección, e coa que podemos formar unha forza capaz de dominar as dificultades.
Para Feijóo o Camiño de Santiago non é outra cousa que un traxecto que vai do medo á esperanza, da inquietude á calma, da incerteza á confianza; e se este camiño é imperecedeiro débese a que xentes de todos os tempos e culturas sentiron a inquedanza de épocas difíciles, e buscaron unha resposta. A celebración do Ano Santo nos recorda que os problemas que acucian ao mundo moderno non son novos, concluíu.
Galicia pechou abril con 1.103.820 afiliacións á Seguridade Social, 16.386 cotizantes máis ca en abril do ano pasado, e con 112.293 persoas no paro, 3.252 menos que no mesmo mes de 2025. No caso das afiliacións, na comparativa anual aumentan nun +1,51 % e tamén medran na comparativa mensual (+7.944 afiliacións máis, +0,72 %). De feito, en termos intermensuais, trátase do segundo maior aumento, tanto en termos absolutos como relativos, dun mes de abril desde que hai rexistros, despois do acadado o ano pasado. En relación co desemprego, este cae tanto na comparativa anual, cun descenso do -2,81 % como na mensual, neste caso cun recorte do -2,07 %, o que implica 2.377 persoas desempregadas menos con respecto a marzo.
O evento celebrarase o 8 de xuño e concentrará a máis de 30 chefs con Estrella Michelin, nunha cita que, como definiu o organizador, Rogelio Rial, 'non só pon en valor o talento culinario, senón tamén o noso territorio, o Camiño de Santiago e a capacidade dun lugar como Negreira para acoller un evento deste nivel'. Esta edición homenaxearase ao célebre cociñeiro Juan Mari Arzak e colaborarase coa asociación Art for Dent, reforzando o compromiso social da iniciativa.O director de Turismo de Galicia puxo en valor a conexión entre gastronomía e Camiño de Santiago que impulsa a iniciativa.
