miércoles, 9 de julio de 2025
Nota de prensa remitida por el Gabinete de Comunicación de la Consellería de Cultura e Turismo de la Xunta de Galicia:
A Xunta de Galicia, na súa aposta por ofrecer á mocidade unha alternativa de ocio, oferta este mes de abril 500 prazas en balnearios para que os mozos e mozas galegos poidan beneficiarse de estadías durante as fines de semana a través do programa Noites Saudables.
Trátase dunha iniciativa que o Goberno galego pon por primeira vez en marcha co obxectivo de ofrecer unha alternativa saudable á mocidade. Así o explicaron o director xeral de Xuventude e Voluntariado, Ovidio Rodeiro, e a secretaria xeral para o Turismo, Carmen Pardo.
O novo programa está dirixido a persoas de entre 18 e 35 anos. Os beneficiarios tan só deberán achegar a metade do custe total da estadía, xa que a iniciativa está cofinanciada nun 50% pola Dirección Xeral de Xuventude e Voluntariado e a Secretaría Xeral para o Turismo.
Os participantes teñen a oportunidade de gozar dunha fin de semana diferente nun entorno que para moitos será unha novidade e onde a saúde e o benestar físico e mental é obxectivo primordial, resaltou Rodeiro.
A finalidade é promover o termalismo e o ocio entre os máis mozos con estadías de dous días en réxime de media pensión con tratamentos específicos en balnearios emprazados por toda a xeografía galega. En concreto, a Xunta pon a disposición da mocidade ata 12 programas diferentes en 9 balnearios e o centro Talaso Termaria da Coruña.
Os balnearios e talasos de Galicia son auténticos centros de ocio e saúde que contan con instalacións e programas para todos os públicos. Así, a mocidade tamén pode atopar servizos e actividades apropiadas aos seus gustos e necesidades. Hai que desmitificar que estas instalacións son só para persoas maiores e con problemas de saúde, explicou Rodeiro.
O prezo das estancias oscila entre os 61 e 97 euros, segundo o programa que se elixa. Así, por exemplo, as técnicas termais que se ofertan varían segundo o plan que se escolla. Deste xeito, a xuventude galega poderá beneficiarse de servizos como masaxes de relaxación ou hidromasaxes ata baños de burbullas e circuítos termolúdicos.
O director xeral de Xuventude destacou, por último, o importante esforzo que está a facer a Xunta para poder ofertar esta primavera preto de 3.500 prazas para fomentar o turismo activo entre os mozos e mozas a través dos programas Xuventur, Roteiros e Noites Saudables.
Pola súa banda, a secretaria xeral para o Turismo, Carmen Pardo, apuntou que o obxectivo do programa é dobre. Por un lado queremos compensar dalgún modo os momentos de máis baixa ocupación, xa que esta iniciativa actuará como desestacionalizadora do sector da talasoterapia e do termalismo e en segundo lugar pretendemos aproximar á mocidade o coñecemento deste sector.
Para concluír, Pardo destacou que a posta en valor da oferta termal galega pasa por deseñar e articular produtos que se convertan nun atractivo turístico e que cheguen ao espectro máis amplo do seu mercado potencial e, por iso, sinalou que polo seu efecto desestacionalizador e pola súa oferta distinguida e calidade o termalismo galego é un factor diferencial que cómpre desenvolver e potenciar.
Inscricións e balnearios
Os interesados en participar neste programa poderán inscribirse a través dos teléfonos da Dirección Xeral de Xuventude e Voluntariado: 981 541 688, 981 545 937, 981 545 822 e 981 541 689. Para recibir máis información poderán dirixirse á páxina web www.xuventude.net.
Noites Saudables conta coa colaboración da Asociación de Balnearios de Galicia, Hospeco e Termaria-Casa da Auga da Coruña. Dentro da Asociación de Balnearios de Galicia colaboran nove establecementos: o balneario de Carballo; de Baños de Molgas; Arnoia Caldaria; Laias Caldaria; Lobios Caldaria; o hotel balneario de Río Pambre, en Palas de Rei; o hotel golf balneario de Augas Santas; o balneario de Lugo Termas Romanas e, por último, as termas de Cuntis.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado que xa leva participado en varias edicións consecutivas do festival.
