lunes, 2 de noviembre de 2026
Nota de prensa remitida por el Gabinete de Comunicación de la Consellería de Cultura e Turismo de la Xunta de Galicia:
O conselleiro de Cultura e Turismo, Roberto Varela, recibiu ao presidente da Real Academia Galega, Xosé Luís Méndez Ferrín, nunha reunión de traballo na que se abordou a ampliación dos orzamentos que a Consellería de Cultura e Turismo destinará á RAG en 2010. Roberto Varela comunicou ao presidente o incremento deste financiamento nun 22,44% respecto ao que a institución viña percibindo desde 2006. Deste xeito, a achega alcanzará os 245.500 euros, superando en 45.000 euros a cantidade destinada á RAG nos orzamentos de 2009.
Neste liña de traballo, a Consellería de Cultura e Turismo asumirá o financiamento da reparación da cuberta do edificio da Real Academia Galega en A Coruña, valorada en 45.000 euros. As obras de reparación, comezarán unha vez sexa entregado na Consellería o proxecto de rehabilitación da cuberta que nos últimos días viuse afectado por varias tellas avariadas e pezas de uralita polas que se producían filtracións de auga.
A primeira reunión oficial do conselleiro co presidente da RAG estivo marcada, segundo Roberto Varela, pola excelente sintonía entre as institucións. Neste encontro estiveron presentes asemade o director xeral de Promoción e Difusión da Cultura, Francisco López, o secretario xeral da Consellería de Cultura e Turismo, Antonio Fernández-Campa e unha representación de académicos.
Outro dos puntos tratados por Consellería e Academia dirixiuse cara unha posible mellora do sistema de percepción de ingresos a través do Estado. O conselleiro de Cultura e Turismo comprometeuse a traballar conxuntamente coa Academia para modificar un sistema no que a Real Academia Galega sae perxudicada na comparación coas contías destinadas polo Ministerio de Educación a outras Academias de España como o Institut dEstudis Catalans ou a Euskaltzandia (Academia da Lingua Vasca). Estas institucións contan con partidas nominativas nos orzamentos do Estado, ao contrario que a RAG.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
