domingo, 25 de octubre de 2026
Con esta dinámica, o mercado internacional marca dous meses consecutivos de crecemento da demanda. Neste sentido, destaca especialmente EEUU como o primeiro mercado estranxeiro e o segundo que máis medra (un 16%). Séguelle por orde de importancia, Alemaña, Portugal, Reino Unido e Francia.
No que atinxe ao ámbito territorial, a demanda hoteleira mellora de maneira notable en Lugo, cun crecemento do 14% e en Pontevedra que crece un 4. No caso de A Coruña e Ourense mantense practicamente estable.
Os datos feitos públicos hoxe tamén estiman uns ingresos totais nominais do sector hostaleiro só no mes de maio de 41,2M, un 3,5% máis que o quinto mes de 2025. No que vai de ano, de xaneiro a maio, o sector constata uns ingresos de 117,6M, isto é un +2,9% máis que o mesmo período de 2024.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
