lunes, 5 de octubre de 2026
Nota de prensa remitida por el Gabinete de Comunicación de la Consellería de Medio Rural de la Xunta de Galicia:
O director xeral de Produción Agropecuaria da Consellería do Medio Rural, José Álvarez Robledo, ofreceu unha rolda de prensa para dar a coñecer a campaña Plan de consumo de froita nas escolas, coa finalidade de fomentar hábitos saudables como é o caso da correcta alimentación entre os escolares galegos.
Este proxecto, promovido pola Comisión Europea e na que traballa a Consellería do Medio Rural a través do Fondo Galego de Garantía Agraria (Fogga), baséase na distribución de froitas e hortalizas transformadas aos estudantes de infantil, primaria e educación secundaria. Produtos saudables e recomendados como kiwis, mazás, peras, plátanos e mandarinas; coa posibilidade de incorporar outras froitas frescas de tempada como cereixas, ameixas, amorodos, figos ou uvas.
O titular de Produción Agropecuaria, enfatizou o feito de que na Unión Europea se calcula que o sobrepeso afecta a 22 millóns de nenos, dos cales, máis de 5 millóns son obesos e se estima que esta cifra aumente en 400.000 cada ano. Este proxecto pretende contribuír a unha mellor alimentación entre os mozos para poder desempeñar un papel importante na loita contra este problema.
A froita que se entregará os centros educativos terá que ser consumida nas dependencias do establecemento escolar no momento do recreo, evitando o consumo inadecuado de graxas saturadas. O período mínimo de reparto da froita entre os alumnos do centro será dunha semana e o máximo de catro, establecendo o seu consumo de xeito continuo.
A campaña conta cun orzamento máximo de 468.865,33 euros, dos cales, o 75% da axuda provén de Fondos FEAGA e un 25% da propia Xunta de Galicia; ofrecéndolle a preto de 78.000 nenos a posibilidade de comer axeitadamente no seu lugar de ensino.
O prazo para solicitar as axudas para a distribución de froitas frescas ao alumnado de centros escolares remata o vindeiro 30 de outubro, unha vez publicada a solicitude no Diario Oficial de Galicia (DOG).
O certame consolídase como un espazo de exhibición para o sector profesional galego e de achegamento da cidadanía ás novas linguaxes escénicas. Teatro de Ningures abrirá a programación o xoves 15 no Teatro Principal coa estrea absoluta de Thelma e Lola. Tamén presentará por primeira vez a súa nova proposta Arun Run, que levará Inorganic ás rúas de Ourense os días 17, 18, 23, 24 e 25. Pola súa banda, a iniciativa 67 Graos Ourense Fervescénica dará a coñecer novas creacións o mércores 21 na Sala Emilia Pardo Bazán do Campus de Ourense. No apartado internacional, a compañía arxentina El Rayo Misterioso regresará ao festival con Todo terminará por Navidad.
Galicia comparte coas comunidades autónomas a súa Lei de Educación Dixital, unha normativa pioneira a nivel estatal que regulará por primeira vez o uso da IA no ensino. Faino no I foro europeo EducaIA que se celebrou en Santiago de Compostela coa participación de responsables educativos de dez comunidades autónomas, xunto con docentes e expertos na materia e a intervención por videoconferencia do director de Educación da OCDE, Andreas Schleicher.
