martes, 1 de septiembre de 2026
Nota de prensa remitida por el Gabinete de Comunicación de la Consellería de Medio Rural de la Xunta de Galicia:
O Conselleiro do Medio Rural, Samuel Juárez Casado, presentou e especificou as axudas directas postas en marcha polo seu departamento para o sector lácteo. Estas axudas contemplan a contía de ata un céntimo de euro por quilo de cota láctea, e un importe máximo por explotación de 7.500 euros. Trátase dunha axuda que iguala e supera á outorgada por outras Comunidades Autónomas.
Como é unha axuda proporcional, unicamente terán a axuda máxima aquelas explotacións con 750.000 quilos ou máis. Este pago inclúese nas denominadas axudas de mínimis, reguladas pola Unión Europea. De feito, a UE impide que estas axudas directas poidan superar, precisamente, os 7.500 euros no prazo de tres anos correlativos.
Galicia é a primeira comunidade de España en produción de leite. Polo tanto, é moito maior o esforzo económico que hai que asumir para aplicar aquí esta medida, tanto polo número de explotacións como polo volume de produción. Dende a Consellería do Medio Rural foi necesario un esforzo especial para dotar economicamente estas axudas.
A orde sairá publicada no DOG mañá martes día 11 de agosto. Nela especifícase que a partida orzamentaria inicial é de 12 millóns de euros, pero a cantidade final achegarase aos 20 millóns de euros, posto que despois do verán transferiranse recursos adicionais.
A orde contempla unha pre-solicitude de axuda sinxela, que esixe unha documentación moi doada. Tan só se esixirá que o gandeiro estea ao corrente dos pagos á Seguridade Social e Axencia Tributaria. O obxectivo é que o gandeiro poida percibir o 60 por cento da contía no prazo aproximado dun mes desde a publicación da orde, e o resto antes de fin de ano.
Galicia considera que se trata dun problema que debe contar co apoio de todas as administracións, tanto da Unión Europea como do Goberno Central, posto que é un conflito estrutural e non só conxuntural. Dende a Xunta concédense estas axudas para que os gandeiros galegos estean en igualdade de condicións respecto aos seus homólogos doutras Comunidades.
Galicia agarda agora que os acordos sectoriais para produtores e industrias lácteas, recentemente acadados en Madrid, e con prezos referenciados aos países do noso entorno, se implanten a bo ritmo, e supoñan o alicerce dunha estabilización na produción e prezo. A Xunta brinda toda a súa colaboración para poñelos en marcha no seu ámbito territorial.
Fotografía: archivo GD.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, símbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao período lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantís.
