martes, 16 de junio de 2026
Nota de prensa remitida polo Gabinete de Comunicación do Concello de Ferrol:
Representantes dos 34 municipios galegos e portugueses que forman parte do Eixo Atlántico do Noroeste Peninsular se deron cita en Ferrol para analizar a posta en marcha dunha oferta de promoción turística conxunta. Así o avanzaban ao remate da xuntanza o alcalde da cidade anfitriona, Vicente Irisarri; o concelleiro de Promoción Turística e presidente da Comisión delegada de Turismo do Eixo, Ramón Veloso, e a responsable do departamento de programas do Eixo, Rita Fidalgo. Nesta liña, Ramón Veloso sinalaba que os representantes municipais debatiron durante toda a mañá as fórmulas e campañas que debe pór en marcha o Eixo para lograr convertir a Eurorrexión nun destino turístico único de primeiro nivel. O concelleiro asegurou que o obxetivo pasa por aunar esforzos e pór en valor o extraordinario patrimonio natural, arquitectónico, histórico ou etnográfico do conxunto das localidades que integran a Eurorrexión. Pero toda promoción precisa de fortes investimentos, polo que avanzou que a institución está tentando recabar o respaldo económico da Xunta de Galicia e de Turismo Porto Norte para facer efectivos os proxectos. Así mesmo, Veloso asegurou que o éxito das políticas que emprenda a Eurorrexión pasa por primar os produtos turísticos que pode ofrecer o Norte da Península, como a oferta de deportes náuticos, paraxes naturais ou rutas termais.
Doutra banda, Rita Fidalgo avanzou a inminente distribución de 100.000 exemplares dunha publicación de recursos turísticos da Eurorrexión nas principais vilas de Galicia e Portugal para profundizar na difusión da oferta de todas e cada unha das localidades que integran o Eixo Atlántico.
Pola súa banda, Vicente Irisarri destacou o feito de que, nos últimos meses, Ferrol se convertise en epicentro dos debates do Eixo en temas de extraordinaria trascendencia para a cidade: transportes e comunicacións e turismo. E é importante porque, segundo expuxo o alcalde, ambos sectores son claves para avanzar na necesaria diversificación económica. Centrándose no campo do turismo, asegurou que Ferrol busca nestes momentos desenvolver definitivamente o sector e, para isto, considerou clave profesionalizar a xestión e pór en marcha a Empresa Municipal de Turismo. Cuestión esta última inminente.
A posta en marcha do Rexistro galego de persoas centenarias, Regace, sitúa Galicia nunha posición de referencia para o estudo da lonxevidade, posibilitando coñecer mellor as claves deste fenómeno e afrontar os retos que presenta. Preto de 1.800 persoas de cen ou máis anos viven na comunidade galega, o que supón ao redor do 12 % de toda a poboación centenaria de España, un dato que fala da realidade demográfica de Galicia e reflicte unha oportunidade única para aprender, investigar e avanzar. Deste xeito, Galicia presenta un dos mellores resultados no que a esperanza de vida se refire: 81,19 anos para os homes e 86,83 para as mulleres, superando en ambos os casos a media estatal.
A mostra a 'Illa ignorada' estará aberta ata o 12 de febreiro de 2027 e toma o seu título do primeiro poemario da escritora Gloria Fortes. Nela cabe destacar os traballos tanto dos artistas galegos Alberto Ardid, Vicente Blanco, Andrea Costas, Caxigueiro, Fina Mantiñán, Juan Carlos Meana, Ariadna Silva, Seoane e María Elena Montero, como os de Abel Azcona, Amparo Garrido, Regina Giménez, Antoni Muntadas, Sonia Navarro, Íñigo Royo, Regina Silveira. Ademais desta nova mostra, o centro tamén inaugurou a ampliación, no dobre espazo do Centro Galego de Arte Contemporánea, da exposición Misha Bies Golas, que abriu ao público o pasado 22 de maio cunha escolma de máis de dúas décadas da creación heteroxénea do lalinense Miguel Calvo Ulloa, un dos fundadores do colectivo Nova Escultura Galega.
