viernes, 2 de mayo de 2025
Nota de prensa remitida por Pablo Durán / Félix Jorquera (Terra Chá.Xa)
A XXX edición do Festival de Pardiñas presentouse en Lugo co obxectivo de ampliar as mais de 25.000 persoas que acudiron o ano pasado. Recoñecida como Festa de Interese Turístico, o Festival de Pardiñas, que conta cun orzamento de 70.000 euros, é algo mais que música, xoldra, e artesanía. A creatividade, a arte, a literatura ou a aprendizaxe tamén terán o seu oco no fin de semana do 1 e o 2 de agosto en Guitiriz.
A do 2009 será unha edición especial. Non so polo número redondo do seu aninovo, senón polo cartel que presentará e que adiantou o Coordinador de Xermolos, Alfonso Blanco Torrado, como representante da Asociación que organiza este evento.
Para nós é moi importante poder aguantar xeración tras xeración 30 anos. O mellor é mantelo vivo e renovalo cada ano. A programación das actividades buscan unha participación de todos os que veñen, que cada un dos que acuda axuda a facer mais fermoso Pardiñas, admite Torrado.
Para cumprir co seu obxectivo, desde a comisión encargada de escoller os grupos musicais traballouse a reo na confección dun cartel que contará con importantes nomes como La Belle Image Fanfarfe, Pepe Vaamonde ou Hedningarna.
O sábado 1 abrirá a xornada a banda holandesa de raíces hispanas Muyayos de Raiz. Este grupo, que reside en Utrech, emprega os seus propios arranxos para explorar novas formas de música tradicional. Tomará o relevo La Belle Image Fanfare, unha das referencias da música popular e tradicional de América Latina, a pesar de nacer na localidade francesa de Orleáns. Pero o prato forte do Festival chegará a posteriori. Despois de varios anos na súa procura, actuará no escenario Estrella Galicia a formación sueca Hedningarna. Este é un dos grandes nomes do folk europeo, gracias á súa mestura de música tradicional fusionada con influencias de techno ou rave. Por último, contra a mañanciña, será a quenda para a big-band explosiva de A Grela, Banda Potemkim, que cargará as pilas para bailar ata o almorzo.
Para o domingo quedarán o grupo de percusión de Vigo, Bloquinho da Salgueira, que achegará a Samba, o Reggae e o Afrobahiano a Guitiriz. Despois subirase ao escenario a banda de folk compostelá Lúa de Fouce, para deixar paso a un clásico da música galega como é o Pepe Vaamonde Grupo e a rabia e o dinamismo de Pan de Capazo, que pechará as actuacións musicais de Pardiñas.
Pero falar deste festival non é falar só de música. Tamén haberá espazo para a XVI mostra de Artesáns de instrumentos tradicionais, organizado pola Asociación de Gaiteiros Galegos, que contará coa participación de preto de 30 profesionais e coas actuacións de Tanto nos ten, de Redondela e de A requinta da laxeira, de Vedra.
Os creadores mais novos tamén terán o seu espazo nos diversos talleres e obradoiros proxectados, e aos que se poden apuntar a través da web de Xermolos, www.xermolos.org. Así, haberá espazo para o audiovisual, a fotografía, o vídeo, cómic, grafitti e tamén pintura ao aire libre e escultura.
O pregón do 2009 correrá a cargo do profesor da Facultade de Arquitectura da Universidade de A Coruña, Manuel Caamaño, contra as 18.00 horas do domingo. A continuación procederase á entrega dos premios do Certame Terra Chá de Literatura e Debuxo Infantil, no que participaron mais de 800 nenas e nenos de 50 colexios de Galicia e do Bierzo.
A Filmoteca de Galicia inicia en maio unha retrospectiva arredor do actor italiano Marcelo Mastroianni como parte dunha carteleira na que tamén sobresaen as visitas de dous destacados nomes do actual panorama cinematográfico estatal: Alauda Ruiz de Azúa e Albert Serra. A oferta mensual da cinemateca da Xunta arranca este venres 2 con Corazón Salvaje, que se exhibe na recta final da homenaxe que se lle está a dedicar ao director David Lynch tralo seu recente pasamento. A nova programación inclúe tamén un repaso ás tres longametraxes do cineasta galego Raúl Veiga e a habitual colaboración co festival Play-Doc de Tui, que desta volta pon o foco en dúas figuras do cinema independente norteamericano: Monte Hellman e Elaine May.
Ou Yeah! é unha nova iniciativa arraigada no territorio, comprometida coa súa xente e deseñada para proxectar Ourense ao mundo. A súa esencia é a transformación: do local ao global, do tradicional ao contemporáneo, do escenario ao prato, do concerto ao encontro. Deste xeito, o festival, que ten como columna vertebral o rock, entendido nun sentido amplo, plural e actual, conxuga música, gastronomía, identidade e impacto territorial. Ou Yeah! espallarase pola provincia de Ourense entre os meses de xullo e outubro de 2025. O primeiro concerto terá lugar na capital da provincia, na explanada de Expouerense, o sábado 12 de xullo, da man de bandas de referencia internacionais, nacionais e galegas como The Waterboys, Morgan, Escuchando Elefantes e Tesouro.
