lunes, 22 de diciembre de 2025
No Gran Hotel Lugo, a COFRADÍA DEL CAPÓN DE VILLALBA ven de ofrecer o primeiro dos seus xantares de degustación da presente tempada, no que participaron empresarios e persoeiros da vida social lucense. Entre outros, participaron o exalcalde de Lugo, Vicente Quiroga Rodríguez; o director do pazo de Feiras e congresos, Rubén López; o director do Balneario de Lugo, Antonio Garaloces; o construtor e presidente do Club Deportivo Lugo, José Bouso Alvite; o Director de Cettsa Seguridad, Eduardo Barreiro;o escritor Paulino García Seco, xunto con membros directivos da Confraría, sendo o anfitrión o Presidente desta agrupación, o avogado vilalbés con despacho en Madrid, Domingo Goás Chao.
Domingo Goás, tamén Presidente do Consello de administración de Interdix Galicia, empresa impulsora desta plataforma en Internet- agradeceu a todos a súa presencia, e lembrou que o fin primordial da Confraría e a súa decidida vontade é a difusión do coñecemento e posibilidades gastronómicas do producto máis senlleiro da capitalidade da Terra Chá.
En Lugo vanse celebrar alomenos outras tres degustación de capón, tendo logo continuación en outras cidades de Galicia e do resto de España
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
