domingo, 22 de junio de 2025
Pola tarde, reuniuse na casa da Cultura de Portomarín o cabildo xeral da Orde da Alquitara para recibir doce novos membros, oito cabaleiros e catro damas. Ingresaron na orde o vicepresidente da Deputación de Lugo, Antón Bao; o presidente da Confederación Hidrográfica Miño Sil, Francisco Fernández Liñares, a parlamentaria Raquel Arias; os alcaldes de Sarria e a Pobra do Brollón, Claudio Garrido e José Luis Maceda; o membro do parlamento galego Agustín Baamonde; o escultor Luciano Pazos; a investigadora da estación enolóxica de Leiro e autora dunha tese sobre a augardente, Sandra Cortés; o empresario sarriano Raúl López; o secretario do PP de Galicia, Alfonso Rueda; a xefa de explotacións agrarias, Marisol Barreiro, e Estrella Pardo Fernández.de Portomarín
O Pregón da celebración foi pronunciado polo novo membro da Orde e presidente da Confederación Hidrográfica Miño Sil, Francisco Fernández Liñares.
Os novos cabaleiros e damas participaron na tradicional cata da augardente nos soportais da casa consistorial coa posterior entrega de premios.
Foron premiados os augardentes de Adegas Portomarín, Adegas Pireiro, Adegas Barco, Adega Mañana e Adega Moreiras.
Puxeron o contrapunto musical á festa dsa augardente a Banda de Taboada e a agrupación folclórica Rio Miño de Portomarín, pechándose os actos cunha verbena e queimada tradicional.
O festival desenvolverase no adro da sede da SGAE no parque de Vista Alegre, en Santiago de Compostela. O primeiro en ocupar o escenario será o rimador de Muros 9Louro, talento emerxente que segue a pegada doutros coñecidos grupos muradáns, como The Rapants ou Capital Voskov. Este mesmo ano lanzou o seu primeiro traballo discográfico, Nove noves, cunha variada mestura de funk, bachata, reguetón, trap e pop. A continuación, será a quenda da viguesa de ascendencia brasileira Lua de Santana. O dúo compostelán Boyanka Kostova pechará o festival Acento 2025 coa súa proposta retranqueira, na que o urbano e os sons máis contemporáneos conviven co tradicional.
O secretario xeral de Industria e Desenvolvemento Enerxético, Nicolás Vázquez, interveu na Conferencia da Alianza de Rexións Europeas con Industria da Automoción, onde defendeu a necesidade de que os fondos europeos que permiten apoiar os sectores industriais sigan sendo xestionados polas rexións. No encontro, celebrado no marco dos traballos para avanzar no Plan de Acción para o sector do automóbil que presentou a Comisión Europea en marzo, Nicolás Vázquez remarcou que Galicia é partidaria de que se manteña a descentralización dos fondos de cohesión.
