miércoles, 2 de septiembre de 2026
Nota de prensa remitida por el Colexio Profesional de Xornalistas de Galicia (CPXG):
Os xornalistas queremos manifestar a nosa profunda preocupación polo impacto da crise nos medios de comunicación. Consideramos que os despedimentos, regulacións de emprego e peche de medios alcanzan tales dimensións que, máis alá do problema laboral que representan, afectarán á calidade da información e á pluralidade de voces que precisa unha democracia.
No caso dos medios de comunicación, á recesión global súmase unha crise de modelo xerado polo cambio de hábitos sociais e polo impacto das novas tecnoloxías. Xa que logo, consideramos que toda reestruturación debe contemplar proxectos de futuro que garantan a continuidade dos medios e non se centren unicamente na redución de cadros ou en prescindir dos xornalistas que traballan como colaboradores.
A función social dos medios de comunicación xustifica a demanda de axuda pública por parte dos editores. Pero estas axudas ós medios deben estar sempre vinculadas a proxectos que teñan como primeiro obxectivo preservar o emprego e asegurar o futuro das empresas. O traballo dos profesionais constitúe o principal valor dos medios e a garantía de servizo á sociedade. Neste sentido, entendemos que os editores deben contar coa achega dos profesionais á hora de buscar alternativas e deseñar as estratexias de futuro para superar a crise.
Os xornalistas queremos lembrar á sociedade que toda perda de calidade e pluralidade na información significa un retroceso nos valores da democracia. Por iso, sinalamos ó Goberno que non pode permanecer alleo ó esforzo colectivo que será necesario para superar a crise dos medios de comunicación e lle solicitamos a convocatoria dunha mesa de estudo da situación coa presenza de todas as organizacións profesionais e de todos os actores da comunicación. En tanto non se celebre esta reunión, pedimos ás administracións que paralicen a autorización de calquera readaptación laboral mediante un ERE (Expediente de Regulación de Emprego) ou procedementos semellantes.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, símbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao período lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantís.
