viernes, 18 de julio de 2025
Nota de prensa remitida por el Gabinete de Comunicación de la Consellería de Innovación e Industria de la Xunta de Galicia:
A compañía Nova Galega de Danza será a encargada de abrir os actos da axenda cultural na primeira edición da Mostra de Artesanía de Galiza (MOA), que se completará coas actuacións musicais dos grupos Nordestinas, Susana Seivane e Bonovo. MOA é unha feira profesional especializada na artesanía que se celebra na Coruña entre o 27 de febreiro e o 1 de marzo, e que está impulsada pola Consellaría de Innovación e Industria, a través da Dirección Xeral de Comercio e da Fundación Centro Galego da Artesanía e do Deseño.
A programación da axenda cultural, xunto coa habilitación dun espazo de 3.000 m2 dedicado á exposición de pezas, complementan os 3.500 m2 do mercado profesional de MOA e contribúen a converter esta iniciativa pioneira da Consellaría nun evento de promoción integral do sector artístico galego. A programación desta axenda cultural fíxose en base á selección de grupos nos que a artesanía galega tivese unha presenza destacada ben na elaboración de instrumentos musicais tradicionais como é o caso de Susana Seivane, de Bonovo ou de Nova Galega de Danza - ben na elaboración do vestiario e das zocas, no caso de Nova Galega de Danza.
O venres 27 a partir das 20.30 horas a compañía Nova Galega de Danza presentará o seu terceiro espectáculo Tradicción, coproducido polo Centro Coreográfico Galego e dirixido por Xaime Díaz e Vicente Colomer, unha interpretación sorprendente da danza tradicional galega dende a perspectiva da danza contemporánea. A nova proposta da compañía inclúe música en directo, a cargo de Pedro Lamas e de Jacobo de Miguel que actúan cunha banda de sete músicos.
Ás 22.00 horas, noutro escenario dentro do recinto de Expocoruña, está prevista a actuación do grupo musical Nordestinas formado polas vocalistas Guadi Galego (Espido) e Ugia Pedreira (Marful) e mais por un dos músicos galegos de jazz de maior prestixio, o pianista Abe Rábade.
O sábado 28 ás 20.30 horas, a gaiteira Susana Seivane será a encargada de abrir as actividades da axenda cultural da feira, tras o peche dos stands. Filla e neta de artesáns e de gaiteiros, artista de recoñecido prestixio internacional, o seu traballo para divulgar a música tradicional galega e para adaptala ás novas tendencias, a través de composicións propias e de arranxos, Susana Seivane representa a heteroxeneidade cultural que se dará cita na Mostra de Artesanía de Galiza.
O peche dos actos culturais, correrá a cargo de Bonovo, o sábado 28 de febreiro a partir das 22.00 horas. No seu primeiro disco no mercado, o grupo combina instrumentos tan tradicionais como a zanfona ou o acordeón con batería electrónica e efectos sonoros que ofrecen unha nova sonoridade no panorama musical galego.
A I edición da Mostra de Artesanía de Galiza (MOA) é unha das apostas máis fortes da Consellaría de Innovación e Industria para o sector artesanal neste ano 2009 e agárdase que se convirta nunha plataforma de mercado e nun escaparate de promoción que proxecte a imaxe de Artesanía de Galicia como marca comercial de prestixio e de calidade en todo o mundo.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento. Entre 2019 e 2024 investiuse un total de 2,6 millóns de euros, permitindo a realización de 159 accións formativas e case 469.000 horas lectivas.
O 58% dos 855 ciclos de Formación Profesional ofertados para o próximo curso en Galicia complétanse na primeira adxudicación de prazas pechada onte pola Consellería de Educación, Ciencia, Universidades e FP, e que dá dereito a matricula. Segundo os datos recabados, un total de 56.049 persoas presentaron solicitude para cursar algunha modalidade de Formación Profesional, o que representa un incremento do 3,5% (1.898 solicitudes máis) con respecto ao curso 2024-25, e supón acadar de novo un máximo histórico que confirma o interese que espertan estas ensinanzas.
