lunes, 22 de diciembre de 2025
Nota de prensa remitida por el Gabinete de Comunicación de la USC:
Caixanova achegaralle á USC un total de 180.000 euros destinados tanto a accións enmarcadas en Uniemprende como á incubadora de empresas da USC Uninova e ao financiamento daquelas actividades de índole cultural que conxuntamente se acorden executar dentro da programación cultural universitaria. Para establecer as bases desta colaboración, o reitor Senén Barro e o presidente de Caixanova, Julio Fernández Gayoso, asinaron un convenio en San Xerome.
A creación de Empresas Innovadoras de Base Tecnolóxica xurdidas da actividade investigadora universitaria constitúe unha alternativa necesaria para a transferencia de tecnoloxía do entorno científico e tecnolóxico ao empresarial. Neste sentido, o Programa de Creación de Empresas da USC (Uniemprende) ten como principal obxectivo o incremento a medio e longo prazo do número de vocacións empresariais fomentando a denominada predisposición psicolóxica a emprender, especialmente entre os estudantes e a comunidade investigadora.
Ademais, Unirisco diríxese á identificación, dentro das capacidades de produción científica e de prestación de servizos da USC, de liñas de traballo susceptibles de ser explotadas desde a óptica empresarial; á prestación de servizos de apoio á creación de empresas que faciliten a análise da viabilidade dos proxectos; e á creación e potenciación dunha infraestrutura estable de colaboradores que permita difundir e desenvolver amplamente as diferentes medidas do programa referido.
A Universidade de Santiago de Compostela e Caixanova, que xa veñen desenvolvendo nos últimos anos unha forte colaboración cultural fundamentalmente no eido das exposicións, recoñecen unha confluencia de intereses entre ambas as dúas institucións na procura de obxectivos sociais e culturais e consideran positivo o establecemento dunha máis estreita participación e cooperación nos proxectos e programas culturais que promoven, en consideración a significación e transcendencia que os mesmos teñen para a sociedade galega.
A selección dos proxectos e actividades que rexen este convenio así como, no seu caso, o control e seguimento da súa realización ata a súa finalización, serán encomendadas a unha comisión de carácter paritario integrada por dúas persoas nomeadas pola USC e outras tantas por Caixanova.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
