viernes, 26 de diciembre de 2025
Nota de prensa remitida por el Gabinete de Comunicación de la Consellería de Traballo de la Xunta de Galicia:
O conselleiro de Traballo, Ricardo Varela, anunciou na Coruña que o seu departamento destinará o vindeiro ano preto de 44 millóns de euros para fomentar a incorporación de mozos e mozas ao mercado laboral. Esta cantidade supón un incremento superior ao 8% con respecto ao orzamento de 2008.
Ricardo Varela aportou estas cifras durante a inauguración da I Feira Europea de Emprego, que está organizada pola Universidade da Coruña. Neste acto tamén participaron o reitor da institución académica coruñesa, José María Barja, e o presidente da Deputación Provincial, Salvador Fernández Moreda.
No seu discurso, o conselleiro de Traballo salientou que unha das principais preocupacións do Goberno galego dende o inicio da actual lexislatura foi a de loitar contra as eivas que presentaba a empregabilidade dos mozos e mozas. Varela lembrou que o mercado laboral galego se caracterizaba por unha taxa de desemprego elevada, con carencias de formación de tipo profesional, con desigualdade por razón e xénero e cunha indesexable temporalidade.
Neste contexto o principal atranco que atopaban os universitarios á hora de acceder a un posto de traballo era a súa falta de experiencia laboral. Para eliminar estes obstáculos, a Consellería de Traballo puxo en marcha un amplo abano de actuacións dirixidas a mellorar as posibilidades reais de inserción da mocidade no mercado de traballo. Así, a Xunta de Galicia, entre outras medidas, reforzou os incentivos para a súa contratación indefinida, as accións formativas para a capacitación en novas tecnoloxías e os programas mixtos de formación e de adquisición de experiencia profesional.
Ricardo Varela tamén explicou que outra das prioridades orzamentarias para o vindeiro ano será o fomento da creación e o desenvolvemento de empresas de base tecnolóxica, de novos xacementos de emprego e de proxectos innovadores. Así, en 2009, a Consellería de Traballo investirá 42,6 millóns de euros no programa dedicado ao emprendemento e á economía social, co que se prevé beneficiar a unhas 7.000 persoas. Neste caso o aumento sobre o orzamento do ano 2008 sitúase nun 11,7%.
Varela recordou que, no ámbito dos 7 campus universitarios de Galicia, a Consellería xa puxo en marcha e está a apoiar o funcionamento dos Servizos de Apoio ao Emprendemento e ao Emprego (SAAE). Estes instrumentos naceron co obxectivo de fomentar a vocación empresarial no eido universitario e ofrecer asesoramento e orientación laboral aos alumnos. Tamén se impulsaron as iniciativas de emprego de base tecnolóxica, apoiando o desenvolvemento de proxectos empresariais cunha clara orientación científica e tecnolóxica, xurdidos do espírito emprendedor dos investigadores e titulados universitarios.
Con estas iniciativas, a Consellería de Traballo pretende dar unha resposta eficaz aos novos retos que se lle abren á Universidade como consecuencia do proceso de Bolonia e da adecuación das súas estruturas á nova realidade social. Esta situación obriga á proporcionarlles aos alumnos e ás empresas novos servizos para darlle saída a un capital humano altamente cualificado e que tanto valor pode aportar ao tecido empresarial e produtivo de Galicia.
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
