miércoles, 7 de octubre de 2026
Nota de prensa remitida por el Gabinete de Comunicación de la Consellería de Innovación e Industria de la Xunta de Galicia:
Até odía 28 de setembro poderá visitarse na Salle du René Capitant de París a exposición Santiago-Kumano. Camiños de peregrinación, que está promovida pola Consellaría de Innovación e Industria, a través da SA de Xestión do Plan Xacobeo, e a Prefectura de Wakayama (Xapón). A exposición fotográfica aborda as relacións que Galiza mantén co Xapón. A paixón polo patrimonio monumental e natural, a forte presenza do mar (na cultura, nos modos de vida, na gastronomía...) ou o respecto polas tradicións e os costumes, froito da experiencia que proporciona unha longa e intensa historia, son só algúns deses puntos en común, que cristalizan, por exemplo, en realidades espirituais, culturais e turísticas coma o Camiño de Santiago en Galiza e o Kumano Kodo en Xapón.
A exposición conta con 60 fotografías destes dous camiños de peregrinación que pertencen ao Patrimonio da Humanidade. A mostra poderá verse en Tanabe (Wakayama) entre os días 5-26 de setembro, París (10-28 de setembro), Santiago de Compostela (Igrexa da Universidade, 2-26 de outubro) e Tokío (Aida Museum, decembro de 2008-febreiro de 2009).
Santiago-Kumano. Camiños de peregrinación consta de imaxes en branco e negro de dous fotógrafos de gran prestixio internacional: o xaponés Tomohiro Muda, que fixo varias veces o camiño de Santiago e visitou Compostela para realizar o seu traballo, e o galego Luis Ocaña, que estivo tres meses no territorio do Camiño Kumano, en Xapón, para ultimar a súa colección. Coa obra conxunta destes dous artistas poderase apreciar algúns dos valores máis importantes da peregrinación a Compostela e Kumano: a importancia da historia e a arte propia dos camiños, a forza da natureza e, en xeral, a fondura de sentimento que respiran todas e cada unha destas fotografías.
A comunicación, o entendemento e mesmo a irmandade entre pobos afastados xeograficamente, caso de Galiza e Xapón, faise posible en grande medida grazas á arte, manifestación universal da sensibilidade e o xenio do home, que traspasa fronteiras.
O conselleiro de Facenda e Administración Pública, Miguel Corgos, avanzou hoxe que as contas da Xunta para o ano 2027 continuarán a reforzar o gasto social, cunha suba por riba da media do crecemento do orzamento e con melloras no acceso á vivenda, a máxima prioridade desta lexislatura. Así mesmo, o Goberno galego seguirá comprometido coa transformación do modelo produtivo cunha aposta polo investimento en I+D+i e pola mellora da formación para impulsar o crecemento empresarial. Ademais de aproveitar a riqueza dun Xacobeo 2027, 'que queremos que sexa o mellor da historia'.
O conselleiro de Cultura, Lingua e Xuventude, José López Campos, compareceu hoxe a petición propia no Pleno do Parlamento de Galicia para dar conta das preto de 700 medidas recollidas no novo Plan xeral de normalización da lingua galega. Fíxoo despois de que a maioría das formacións políticas con representación na Cámara galega chegasen a un acordo para enriquecer este texto froito do traballo de preto de dous anos feito por expertos con achegas de entidades, institucións e particulares. Neste senso, o responsable autonómico de Lingua agradeceu a colaboración e implicación de todos os profesionais que participaron, baixo a coordinación do académico Manuel González, na elaboración deste documento.
