domingo, 20 de julio de 2025
Nota de prensa remitida por el Gabinete de Comunicación del Ayuntamiento de Lugo
O Arde Lucus MMVIII da comezo oficialmente coa inauguración do macellum e do campamento ás cinco da tarde. Comezarán así os tres días de festa nos que se recreará o pasado romano da cidade de Lugo.
Máis de 250 actividades, actuacións e espectáculos conforman esta nova edición da festa Arde Lucus, que se celebrará desde o venres á tarde ata o domingo á noite e que está organizada pola Concellería de Xuventude que dirixe Carmen Basadre.
O campamento abrirá as súas portas tamén a tarde do venres, ás cinco e media, no carril dás Estantigas. Tanto o campamento como o macellum terán as súas propias actividades con animación de humor, acróbatas, malabares e música, realizarase tamén instrución militar polas rúas do centro e paseos de bigas e cuádrigas.
Outro dos actos novos deste ano é o Pugilatum In memoriam Tori jul que se celebrará na praza de Santa María ás sete da tarde e que recreará os combates de boxeo ao máis puro estilo do Imperio.
Ás oito da tarde comezarán tamén os xogos romanos e exibiciones de tiro con arco.
Ás dez comezarán as representacións, como o Nasciturus e as lecturas de runas a cargo da asociación Ilusión e Arte, na praza de Anxo Fernández Gómez. Esta mesma agrupación celebrará as tradicionais vodas celtas neste mesmo emprazamento ás 23:30 horas.
A gran batalla final entre celtas e romanos a cargo de Legend, Cohors III Lucensium, Legio Nova Invicta e Cohors I Galicia terá lugar coa chegada da media noite na zona peonil da Rolda da Muralla.
A outra gran cita da noite será a bacanal, que estará a cargo, como é tradicional, da asociación Alas, e que se celebrará a partir da unha da noite na praza de Anxo Fernández Gómez.
Durante a noite, a cidade contará con animación continuada de rúa, coa presenza de zancudos, desfiles, gardas romanas, tambores, etc...
Resto do programa
No programa xeral do Arde Lucus MMVII mantéñense as actividades estrela doutras edicións, como o pregón, o nomeamento dos personaxes da festa, o premio Civis Honoris, queima da muralla, o circo, a venda de escravos, o concerto de arpas ou a exhibición de bigas e cuádrigas.
Ademais, celebrarase a tradicional queimada na noite do sábado. Terá lugar na praza Maior, diante do Concello.
A noite do sábado contará coa actuación de Mutenrohi na praza de Santa María a partir das 2:00 horas da madrugada.
O domingo a cidade continuará vivindo a festa. Seguirán abertos os campamentos romanos, o mercado, haberá máis actividades deportivas e paseos de bigas pola cidade.
O centro histórico contará coa actuación dos percusionistas de Braga e con outros grupos de animación de rúa, así como de instrución militar.
O acto central do domingo será o Comilonum. O gran banquete romano que se celebrará ao redor da Muralla de Lugo, Patrimonio da Humanidade e que conta co apoio dos hostaleiros da cidade.
A despedida triunfal das lexións que parten á conquista de novas terras porá o broche final aos tres días de festa que permiten a lucenses e visitantes viaxar no tempo ata as orixes romanas de Lugo.
O 112 Galicia rexistra os seus picos de emerxencia durante as tardes e noites de verán. Os meses estivais traen consigo un cambio nos hábitos da poboación galega: días máis longos, noites máis activas e un aumento significativo das incidencias xestionadas polo 112. Segundo os datos, as franxas horarias con maior demanda son as 15:00 e as 20:00 horas, coincidindo cun estilo de vida máis intenso e prolongado durante o verán. En 2023, o servizo rexistrou medias de 1.300 intervencións entre as 15:00 e as 16:00 horas, e case 1.500 (1.484) entre as 19:00 e as 20:00 horas durante xuño, xullo e agosto. Aínda que en 2024 houbo un descenso global de incidencias (233.289 anuais), estas franxas mantiveron cifras elevadas: máis de 1.000 chamadas á tarde e 1.200 á noite no mesmo período.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento.
