domingo, 8 de junio de 2025
Nota de prensa remitida por el Gabinete de Comunicación de la USC:
As Universidades de Santiago, Vigo e A Coruña asinaron un convenio de colaboración co Clúster da Madeira de Galicia (CMA) co obxecto de involucrarse no desenvolvemento da innovación dentro do sector da madeira. Na sinatura, que tivo lugar na Biblioteca América da USC, participaron os reitores Senén Barro, Alberto Gago e José María Barja, xunto co presidente do CMA, José Blanco.
A colaboración establecida traducirase en proxectos de I+D+i e de asesoramento mutuo na promoción social da investigación e o desenvolvemento tecnolóxico. Ademais, colaborarán na formación de persoal investigador, na realización de prácticas formativas e na inserción de alumnos en empresas.
Co convenio trátase, matizou Gago, de responder á demanda sectorial e de facer visible a disposición do Sistema Universitario de Galicia para asumir compromisos de colaboración, en particular co entramado público e privado de I+D+i do noso país. No mesmo senso pronunciouse o reitor da Coruña, para quen se abren unhas posibilidades de colaboración cun sector de vital importancia ao que lle ofrecemos entusiasmo e coñecemento.
Coincidiu cos seus homólogos Senén Barro ao destacar o potencial das Universidades galegas para calquera ámbito científico-tecnolóxico e económico. Concretamente, dixo, no sector da madeira as Universidades somos un parceiro non só interesante, senón necesario.
Por outra banda, e como explicou José Blanco, a cooperación centrarase en proxectos de innovación no marco do Plan Estratéxico Operativo da Madeira (POMA) que executa o Clúster da Madeira de Galicia e que obtivo a cualificación de Excelencia do Ministerio de Industria, Turismo e Comercio.
O POMA é unha ferramenta desenvolvida pola industria da madeira que ten como obxectivo conseguir un crecemento sostido que duplique a achega do sector á economía de Galicia no prazo de 10 anos. Para iso estableceron catro áreas prioritarias de actuación como son management e recursos humanos; excelencia operativa; marketing e internacionalizacion; e innovación tecnolóxica e deseño.
O Clúster da Madeira constituíuse en 2001 e actualmente agrupa a 60 empresas galegas vinculadas con toda a cadea da madeira. O seu obxectivo é aumentar a concorrencia do sector e promover a cooperación dentro do sector da madeira.
En 2007, a facturación do sector ascendeu a 2.419 millóns de euros, un 5,6% máis que o ano anterior, e o emprego directo a 26.000 postos de traballo. Por emprego xerado, a madeira lidera a actividade industrial na metade das comarcas de Galicia.
A Xunta de Galicia completou esta semana os trámites para a autorización dos nove proxectos de repotenciación voluntaria de parques eólicos recibidas entre finais de 2023 e comezos de 2024 e que permitirán suprimir 286 aeroxeradores do territorio galego así como, coa mesma potencia, incrementar un 35 % a produción de enerxía renovable. Trátase dun procedemento que destacou pola súa axilidade pois os prazos de autorización administrativa acurtáronse considerablemente, completándose en menos dun ano desde a recepción do proxecto definitivo e cumprindo así co mandato comunitario de axilizar as xestións e garantir que non se alongan máis de dous anos.
O director xeral de Relacións Exteriores e coa UE, Jesús Gamallo, participou na asemblea xeral Comisión do Arco Atlántico da Conferencia das Rexións Periféricas Marítimas en Sevilla, na que se fixo balance do último ano e se presentaron as previsións para 2026. O director xeral interveu na sesión Un novo marco financeiro plurianual da UE: que hai para o Atlántico, onde defendeu un futuro da política de cohesión descentralizado e o rexeitamento ao cambio de modelo cara un plan único por estado membro, postura baseada nas experiencias previas que mostran que os programas operativos rexionais son a fórmula máis eficiente para a xestión dos orzamentos destinados á cohesión.
