sábado, 14 de noviembre de 2026
Nota de prensa remitida por el Gabinete de Comunicación de la Xunta de Galicia:
O presidente da Xunta, Emilio Pérez Touriño, anunciou que a Fundación Galicia Europa porá en marcha este ano un Centro de Negocios en Bruxelas que servirá como plataforma de lanzamento das pequenas e medianas empresas de Galicia ante a Unión Europea. O xefe do Executivo galego explicou que este centro se marca como obxectivo incrementar a participación das pemes en proxectos e iniciativas europeas, así como achegalas ao mercado da Unión, incrementando a súa internacionalización.
Así o salientou Emilio Pérez Touriño, logo de presidir a reunión do Padroado da Fundación Galicia Europa, na que se aprobou o Programa de actividades e o orzamento desta entidade de cara ao 2008, un prespuposto que superará os tres millóns de euros.
Segundo explicou o presidente galego, o Padroado da Fundación acordou dar unha nova orientación a este instrumento para mellorar a súa eficacia, fortalecer a presenza de Galicia e defender os seus intereses ante a Unión Europea, dándolle un xiro á actividade que viña desenvolvendo para potenciar o apoio ás empresas.
Nesta liña, puxo de relevo a aprobación dun Centro de Negocios que pretende mellorar a internacionalización da economía galega, sumando as pequenas e medianas empresas aos mercados internacionais. Así, segundo explicou Touriño, o Centro de Negocios pretende ser un instrumento útil e potente para impulsar a presenza internacional das empresas galegas a través dun conxunto de servizos que ofrecerá ás pemes.
En primeiro lugar, o Centro de Negocios contará cun servizo de infraestruturas que negociará tarifas preferenciais para poñer a disposición das empresas galegas interesadas os servizos dun business center en Bruxelas, ao tempo que porá á súa disposición as instalacións da propia Fundación Galicia Europa. Unha segunda liña de actuación é a xestión de servizos de tradución e interpretación para as empresas que o precisen.
En terceiro lugar, o Centro de Negocios fornecerá asesoramento nun amplo espectro de temas relacionados coa Unión Europea desde a normativa comunitaria, con efectos directos sobre as empresas, ata informacións sobre proxectos europeos, instrumentos financeiros e xestións diante das autoridades comunitarias.
Unha cuarta liña de actuación deste centro estará encamiñada a erixirse como unha auténtica xanela única de oportunidades para as pemes, asociando a este servizo as entidades galegas que traballan na nosa comunidade en favor da apertura das empresas da nosa comunidade á UE. Finalmente, o Centro de Negocios tamén contribuirá a tarefas de formación, promovendo prácticas especializadas en empresas, cursos e masters adaptados ás pequenas e medianas empresas.
Tal e como explicou o presidente da Xunta, outra das liñas de actuación aprobadas hoxe pola Fundación Galicia Europa de cara a 2008 é a potenciación da imaxe de Galicia na Unión Europea. Trátase de identificar e visualizar máis a imaxe de Galicia e a súa presenza na Unión Europea, proxectándoa especialmente cara aos novos países do leste, aseverou Pérez Touriño.
Así mesmo, o xefe do executivo autonómico salientou que de cara a este exercicio, a Fundación Galicia Europa porá en marcha unha experiencia novidosa no campo cultural que consistirá na organización de exposicións da produción artística e cultural máis importante da Galicia actual.
Neste sentido, o presidente galego sinalou que a Fundación Galicia Europa pode xogar un papel moi importante posto que nela están integradas as fundacións culturais máis importantes de Galicia, como as promovidas por Caixa Galicia, Caixanova e o Banco Pastor.
O presidente da Xunta reuniuse tamén co comisario de Ciencia e Investigación da Comisión Europea, Janez Potocnik, con quen abordou o potenciamento das plataformas tecnolóxicas galegas; co Alto Representante da Política Exterior e de Seguridade Común, Javier Solana; e co director xeral de Relacións Exteriores da Comisión Europea, Eneko Landaburu, para poñer en marcha un conxunto de proxectos encamiñados a potenciar a presenza internacional de Galicia e as políticas de I+D+i.
Neste último aspecto, Pérez Touriño manifestou que a comunidade galega é a primeira rexión entre todas as da Unión Europea que ten orientado con maior nitidez e intensidade os fondos dos que disporá entre 2007 e 2013 de cara á promoción da sociedade do coñecemento. Así explicou que o 82 por cento das accións financeiras da Unión Europea neste período se destinarán a I+D+i e sociedade do coñecemento, como vía fundamental para lograr a converxencia coas rexións máis punteiras.
A este respecto, o presidente galego lembrou que entre 2004 e 2007 Galicia logrou un salto sen precedentes ao pasar do 81,4 ao 88,6 de renda media europea. Neste período converxemos en sete puntos, aumentando a converxencia en 2,4 puntos anuais, o triplo do ritmo precedente, concluíu.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
