domingo, 18 de mayo de 2025
Nota de prensa remitida por el Gabinete de Comunicación de la Consellería de Innovación e Industria de la Xunta:
O conselleiro de Innovación e Industria, Fernando Blanco, asistiu en Santiago á asemblea constituínte do Clúster TIC, que nace con 117 socios fundadores e que se converte así no sétimo clúster galego, despois dos da automoción, a madeira, o naval, o audiovisual, o de acuicultura e o do produto gráfico.
Nun acto no que tamén participou a directora xeral de Promoción Industrial e da Sociedade da Información, Helena Veiguela, Fernando Blanco agradeceu ás asociacións Eganet, INEO e AETIC-Galicia e aos Colexios Profesionais de Enxeñeiros de Telecomunicacións e de Informática o seu traballo conxunto coa Consellaría para culminar este proceso e lembrou que a constitución do clúster era unha das liñas de actuación preferentes do Plano Estratéxico Galego da Sociedade da Información (PEGSI 2007-2010), desenvolvido por Innovación e Industria a través da súa Dirección Xeral de Promoción Industrial e da Sociedade da Información.
O conselleiro nacionalista salientou o peso cada vez máis considerable na economía galega das actividades relacionadas coas tecnoloxías da información e a comunicación que, ao seu xuízo hai que reforzar, e recordou que o sector xera xa o 2,15% do valor engadido bruto total cun nivel de emprego que medrou un 28,5% no último ano ao pasar dos 11.900 traballadores en 2006 aos 15.300 de finais de 2007. Neste sentido, Blanco apuntou que o PEGSI está a xerar precisamente unha dinámica propicia para as TIC en Galiza, co obxectivo de converter o país non unicamente en consumidores de bens e servizos, senón tamén en produtores dos mesmos.
O titular de Innovación e Industria afirmou que o clúster contribuirá a potenciar a innovación e o desenvolvemento tecnolóxico no sector empresarial da Sociedade da Información e lembrou que para articular o sistema de I+D+i nas TIC, o seu departamento xa puxo en marcha o Centro Tecnolóxico Gradiant e a Plataforma Tecnolóxica Vindeira, dous instrumentos que cunha achega por parte da Consellaría de 950.000 euros xa están funcionando como nexo de unión entre os axentes representativos nas TIC galegas, co obxectivo de desenvolver o potencial investigador, xerar coñecemento e formar capital humano cualificado no sector. Nesta liña cómpre salientar tamén a orde de axudas do departamento autonómico aos investimentos empresariais en TIC, unha orde dotada con 5 millóns de euros (un 67% máis que no ano anterior).
Por último, Fernando Blanco avanzou que a súa consellaría achegará este ano 2 millóns de euros aos clusters galegos, unha achega que evidencia a relevancia que Innovación e Industria outorga a este tipo de asociacións de empresas por seren un perfecto exemplo de como xerar vantaxes competitivas a partir da colaboración entre os distintos axentes.
O ciclo de concertos Orballo Cultural vén de presentar a súa edición 2025, que se celebrará entre os meses de maio a setembro. Este ciclo propón levar ata distintas localidades da xeografía galega, concretamente aos concellos de Estrada, Tomiño, O Porriño, Ribadavia, Muxía, Noia, Ferrol e Sanxenxo, a artistas da escena musical galega. Entre os nomes xa confirmados están Xabier Díaz & Adufeiras de Salitre, Su Garrido Pombo, Herdeiros da Crus ou The Limboos. O ciclo Orballo Cultural busca unir a variada oferta musical de Galicia co patrimonio cultural e natural de distintas localidades, de tal modo que se pon en valor a rica variedade de opcións turísticas da comunidade. Ademais, integra a gastronomía e a artesanía como valores engadidos, nunha proposta que quere apostar pola sostibilidade e a igualdade.
A exposición afonda na realidade das cantareiras dende o século XVIII ata os nosos días. Daquelas, as mulleres das aldeas tocaban por pura necesidade, xa que non había outra maneira de escoitar música ca creándoa. Frei Rosendo Salvado e Rosalía de Castro xa se interesaron no seu tempo polas cantigas populares galegas considerándoas 'pura poesía, sen artificio' a pesar de estar nunha lingua diferente da oficial e proviren de mulleres labregas, de clase baixa. Rosalía foi, de feito, quen máis se identificou con esa literatura, empatizando co sentimento do pobo e levándoo ás altas esferas da época. A mostra tamén recolle, a través de varios documentos, o interese de persoas estranxeiras como Dorothé Schubarth, Alan Lomax ou Gustav Henningsen pola nosa tradición.
