jueves, 18 de junio de 2026
Nota de prensa remitida por el Gabinete de Comunicación Congreso AE-IC:
O profesor emérito da Universidade de México D.F., Nestor García Canclini, inaugurou o congreso I+C Investigar la comunicación, que se celebra do 30 de xaneiro ó 1 de febreiro na facultade de Ciencias da Comunicación. Este evento actúa tamén como acto fundacional da AE-IC, Asociación Española de Investigadores da Comunicación, presidida polo catedrático da Universidade Autónoma de Barcelona Miquel de Moragas e que conta con outros moitos investigadores de ampla proxección como Margarita Ledo, que presidirá o congreso. Ademais estiveron presentes o presidente da Xunta de Galicia, Emilio Pérez Touriño, a conselleira de Cultura, Ánxela Bugallo e o alcalde de Santiago de Compostela, Xosé Sánchez Bugallo.
Canclini, especialista na comunicación iberoamericana, explicou que a revolución dixital que estamos vivindo crea beneficios como o acceso directo e simultáneo á información vai democratizar a educación e mellorar o benestar da maioría. Por outra banda, a nivel político medran as oportunidades de participación provocando a descentralización na toma de decisións.
Experto nos efectos das novas tecnoloxías nas distintas culturas, o profesor Canclini, recoñece que cada sociedade e cada nación ten dereito ao seu propio modo de vida e se pensamos na información e no coñecemento como parte das relacións entre culturas pasamos a concibir de xeito diferente as relacións entre oriente e occidente ou diferenzas xeneracionais.
Outro dos temas dos que tratou na conferencia inaugural é o efecto globalizador das novas tecnoloxías e a repercusión que este ten na sociedade. Neste senso, destaca que os mozos toman conciencia de que pertencen a unha rexión máis ampla que a do seu propio país, sen perder o seu sentimento de pertenza étnica. Sen embargo, subliña que un dos obstáculos deste fenómeno é a desigual participación das diferentes culturas dependendo do nivel económico de cada país.
En tres días pasan pola facultade un cincocentos poñentes de máis de 25 países. Deste xeito os temas dos que falarán serán a sociedade da información e da a creatividade na produción de contidos. Na primeira das poñencias estarán presentes Raúl Trejo (México), Imma Tubella (Cataluña), Tapio Varis (Finlandia) e Xosé López (Galicia). Mentres, na segunda falarán Elisabeth Cowie (Reino Unido), Jorge Paixao da Costa (Portugal) e Regine Debatty (Bélxica). Xa pola tarde haberá dúas sesiós especiais nas que se repasará as últimas seis décadas de investigación en España e estado da cooperación entre estudosos españois e latinoamericanos.
Unha das novidades máis destacadas é que as sesións que se desenvolven no Auditorio da Facultade de Ciencias da Comunicación vanse retransmitir en directo, a través da páxina web www.aeic2008santiago.org.
Sanxenxo volverá converterse este verán nun dos grandes referentes da música en directo en Galicia coa celebración da cuarta edición de Costa Feira, un evento que ofrecerá máis dunha decena de concertos e propostas musicais entre os meses de xullo e agosto no recinto do Polígono de Nantes. O ciclo arrancará o 24 de xullo con Wake Up! in Costa Feira e continuará o 28 de xullo e os días 4, 11 e 18 de agosto coa proposta Electrolatino, que reunirá artistas destacados neste xénero como Henry Méndez, Danny Romero, Jose de Rico, Anthony & Yeigo, Jay Santos, Marc Magán ou Mar Lucas.
Ponse en marcha a programación da 14ª edición de Cultura no Camiño, que este verán ofrecerá 316 espectáculos escénicos e concertos a cargo de 147 formacións artísticas en 87 concellos galegos situados nas diferentes rutas xacobeas. Trátase dunha proposta enmarcada na campaña Para gustos, cultura, que este ano chegará a 200 localidades con máis de 3.600 propostas. O calendario de Cultura no Camiño para este ano, que se abriu esta semana con paradas en Ribadumia, onde Marta Ortiz presentou Canta, Bugina, canta! na Escola Infantil, e en Miño coa proposta A maxia dos libros, do Mago da Boina e Nami, no Centro de Día, continuará hoxe de novo en Ribadumia con Donas do lugar, un espectáculo de narración oral a cargo de María da Pontragha.
