miércoles, 7 de octubre de 2026
Nota de prensa remitida por el Gabinete de Comunicación de la Consellería de Innovación e Industria de la Xunta de Galicia:
A campaña publicitaria do turismo de Galicia que desenvolveu o pasado verán a Consellaría de Innovación e Industria nas televisións de ámbito estatal foi galardoada co premio MuchoViaje 2007 á mellor campaña de publicidade, concedido polas votacións de máis de 100.000 viaxeiros por Internet. O xerente de Turgalicia, Xesús Pereira, recolle o premio na cerimonia organizada por MuchoViaje en Madrid.
A campaña premiada, Galicia, destino atlántico, é a segunda que promociona o turismo galego no ámbito estatal. Apostou claramente pola identificación de Galicia e o Camiño de Santiago cun destino único, no que ten especial presenza todo o relacionado co Atlántico, e resaltou as emocións e os sentimentos que só poden experimentarse cando se visita Galiza.
Segundo o director xeral do grupo MuchoViaje, José Manuel Fernández, esta iniciativa publicitaria contribuíu a consolidar unha corrente de Turismo que se está a in-crementar de xeito sostido durante os últimos anos. MuchoViaje é unha das principais empresas de Internet e comunicación do sector turístico en España. Está integrada pola revista Muchoviaje, a súa propia axencia de viaxes on line e outros soportes de comunicación, como o programa de televisión do mesmo nome. Os premios MuchoViaje son convocados pola revista, que conta cun EGM de 162.000 lectores e un OJD de 27.000.
Desenvolvida entre o 1 e o 30 de xuño pasados, foi vista polo 94,3% dos cidadáns españois maiores de dezaseis anos. A campaña contou coa música do grupo folk galego Luar na Lubre e a voz do actor lugués Luís Tosar, e incluíu un spot específico sobre o Camiño de Santiago e outro xeral do destino Galiza, anuncios en prensa e cuñas radiofónicas.
O conselleiro de Facenda e Administración Pública, Miguel Corgos, avanzou hoxe que as contas da Xunta para o ano 2027 continuarán a reforzar o gasto social, cunha suba por riba da media do crecemento do orzamento e con melloras no acceso á vivenda, a máxima prioridade desta lexislatura. Así mesmo, o Goberno galego seguirá comprometido coa transformación do modelo produtivo cunha aposta polo investimento en I+D+i e pola mellora da formación para impulsar o crecemento empresarial. Ademais de aproveitar a riqueza dun Xacobeo 2027, 'que queremos que sexa o mellor da historia'.
O conselleiro de Cultura, Lingua e Xuventude, José López Campos, compareceu hoxe a petición propia no Pleno do Parlamento de Galicia para dar conta das preto de 700 medidas recollidas no novo Plan xeral de normalización da lingua galega. Fíxoo despois de que a maioría das formacións políticas con representación na Cámara galega chegasen a un acordo para enriquecer este texto froito do traballo de preto de dous anos feito por expertos con achegas de entidades, institucións e particulares. Neste senso, o responsable autonómico de Lingua agradeceu a colaboración e implicación de todos os profesionais que participaron, baixo a coordinación do académico Manuel González, na elaboración deste documento.
