martes, 28 de abril de 2026
Nota remitida por el Gabinete de Comunicación del Congreso de la AE-IC:
O futuro do xornalismo ante a chegada das tecnoloxías da comunicación e da información, a supervivencia das identidades culturais na rede ou o futuro da prensa local son algúns dos temas que se debatirán no Congreso Fundacional da Asociación Española de Investigación da Comunicación. A Facultade de Ciencias da Comunicación de Santiago de Compostela acolle do 30 de xaneiro ao 1 de febreiro o evento que reúne a máis de cincocentos investigadores e docentes.
Durante o acto de presentación do congreso, a presidenta do comité organizador, Margarita Ledo, manifestou a súa satisfacción pola acollida que está a ter o evento entre a comunidade universitaria de diferentes países. Neste sentido, sinalou a importancia da celebración do evento como ámbito de reflexión, de debate, de intercambio de experiencia e, tamén, como berce desta nova asociación que se constituirán en Compostela e agarda ser un referente internacional como lugar de intercambio de coñecementos e avances científicos.
A Asociación Española de Investigación da Comunicación (AE_IC) constitúese durante o congreso para potenciar a investigación no eido da comunicación, facilitar a cooperación e crear redes de intercambio de información entre investigadores/as, e establecer unha política de cooperación con asociacións internacionais de estudo, segundo manifestou Miquel de Moragas, presidente da Comisión Xestora da AE-IC.
Máis de 25 países participan na reunión de Santiago de Compostela fundamentalmente do eido europeo e americano. O profesor da Universidade Autónoma Metropolitana de México, Néstor García Canclini, ou a profesora da Universidade de Lima (Perú), Teresa Quiroz, son algúns dos representantes de América Latina. No ámbito europeo estarán en Santiago investigadores como a profesora da Universidade de Kent (Gran Bretaña), Elisabeth Cowie; o profesor da Universidade de Tampere (Finlandia), Tapio Varis; ou a blogger Regine Debatty. Non faltará a representación galega e española coa catedrática da Universidade de Santiago de Compostela, Margarita Ledo, ou o catedrático da Universidade Autónoma de Barcelona, Miquel de Moragas.
Ademais o congreso reunirá a profesionais da comunicación como Miguel Conde (creador da campaña publicitaria Vivamos como galegos) que traerán as súas experiencias para o debate na universidade.
Foron presentadas as xornadas Galicia Biodays, que buscan posicionar Galicia como un territorio de referencia en innovación biotecnolóxica no ámbito internacional. Este evento vaise celebrar os días 6 e 7 de maio no Auditorio Mar de Vigo, e permitirá reforzar a marca Galicia Calidade en biotecnoloxía, fomentar o intercambio de coñecemento e establecer novas colaboracións científicas, empresariais e institucionais. Está previsto que asistan máis de 1000 persoas de 9 biorrexións convidadas, con máis de 130 relatores.
Alfonso Rueda informou de que o Consello deu conta do inicio da tramitación do anteproxecto da que será 'a primeira Lei do terceiro sector da acción social de Galicia'. Unha norma que busca 'unificar nun único texto legal a regulación deste eido e recoñecer de xeito formal o seu traballo e o papel que xogan as entidades na sociedade galega'. A necesidade de aprobar esta lei xustifícase na importante presenza destas entidades en Galicia, preto de 1.500, -que constitúen 'unha auténtica rede de solidariedade', segundo resaltou a conselleira de Política Social e Igualdade, Fabiola García-, para apoiar as persoas e fogares máis vulnerables.
