sábado, 5 de septiembre de 2026
Nota de prensa remitida por el Gabinete de Comunicación de la Secretaría Xeral de Comunicación de la Xunta de Galicia:
A Secretaría Xeral de Comunicación, a través da dirección xeral de Comunicación Audiovisual, participou en Madrid na presentación dos últimos avances galegos no eido audiovisual. O director xeral de Comunicación Audiovisual, Manuel José Fernández Iglesias participou no Salón Profesional Internacional da Tecnoloxía Audiovisual, Broadcast2007 no marco da Feira Internacional de Informática, Multimedia e Comunicación, SIMO 2007 que se celebra en Madrid ata mañá.
Fernández Iglesias participou na presentación do stand do Clúster Audiovisual Galego na que se exhibiron as últimas propostas das empresas da nosa comunidade integradas no Clúster. Na súa intervención, Fernández Iglesias salientou o compromiso do Goberno galego coa presenza exterior do sector audiovisual de Galicia. O director xeral de Comunicación Audiovisual prestou o seu apoio e o do departamento que dirixe ás empresas do clúster que presentaron no seu stand corporativo as últimas novidades tecnolóxicas en produtos e servizos.
Fernández Iglesias subliñou a boa acollida entre o sector e os profesionais das propostas desenvolvidas en Galicia. Así mesmo, destacou a relevante presenza das empresas audiovisuais galegas nunha feira de referencia no eido audiovisual profesional como é o Broadcast20007. No acto participaron seis empresas asociadas ao clúster, que deron a coñecer os seus proxectos en servizos interactivos. Estas empresas foron Spica, Grupo Vitelsa, Filmanova, Adivina Producciones, Ficción Producciones e Lambdastream.
Nos catro anos que leva traballando, o clúster ten posto en marcha numerosas iniciativas, tanto no ámbito do desenvolvemento das novas tecnoloxías como no creativo, fomentando os recursos humanos e a internacionalización, impulsando a expansión do sector galego. O director xeral de Comunicación Audiovisual, Manuel José Fernández Iglesias, foi o encargado de representar ao Goberno galego no Broadcast2007, que este ano celebra a súa edición décimo terceira. Dentro do programa deste ano, Fernández Iglesias asistiu a dúas xornadas técnicas sobre a TDT e a televisión móbil, así como a unha mesa redonda sobre o tema.
A Broadcast é a feira española de referencia para o sector audiovisual e unha das primeiras do mundo. Este ano contou cun total de 197 empresas expositoras que presentarán os seus servizos ata mañá. A industria audiovisual leva dous anos preparando unha convocatoria, que ten como obxectivo presentar a tecnoloxía audiovisual máis avanzada. Broadcast constitúe un fiel reflexo da favorable conxuntura que atravesa o sector, propiciada entre outros aspectos pola proliferación dos medios audiovisuais ou o vertixinoso desenvolvemento da Televisión Dixital Terrestre, ante o inminente apagón analóxico.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, símbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao período lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantís.
