martes, 9 de junio de 2026
Nota de prensa remitida por el Gabinete de Comunicación de ElectroActiva:
Un total de 52 expositores, entre os que se atopan os principais fabricantes de electrodomésticos do mundo, estarán presentes na VI edición da feira ElectroActiva, que se celebra no Multiusos Fontes do Sar en Santiago o día 27, para mostrar as últimas novidades do sector e os electrodomésticos máis modernos. Entre outras innovacións, exporanse electrodomésticos que falan co usuario e modelos interactivos, segundo informou esta mañá en rolda de prensa Andres Pérez, director de ElectroActiva, acompañado por Ana Cerqueiro, responsable de Marketing.
ElectroActiva chega a súa sexta edición consolidada como un certamen sectorial de referencia e único en Galicia, que crece este ano nun 40% en número de expositores. Pero tamén medra cualitativamente sobre as novidades que presenta, como gran escaparate das últimas innovacións tecnolóxicas aplicadas ao sector, no que se se exhibirán electrodomésticos moito máis prácticos e eficaces, que gañan en ergonomía e manexabilidade, con deseños funcionais, enerxéticamente máis eficentes e máis respectuosos co medio ambiente: lavadoras, lavalouzas e frigoríficos interactivos que facilitan o seu funcionamento e ademais falan co usuario.
A firma Balay presentará na feira a súa nova serie Lógica, unha gama que simplifica o seu modo de uso, incorporando un innovador módulo de voz. O sistema de voz electrónico destes electrodomésticos intelixentes guía ao usuario en todo momento no uso do apararello, axudándolle a seleccionar a función que desexe sen necesidade de consultar o manual de instruccións. Ademais, informa do estado do proceso do lavado, nas lavadoras e lavalouzas, realiza recomendacións de uso e emite sons avisando de posibles erros ou incidencias, e controla e axusta o programa necesario en todo momento. Os frigoríficos desta serie indican a secuencia de botóns que temos que pulsar para conseguir a función desexada e se comunica co usuario para confirmarlle a activación ou desactivación das mesmas. Asemade, informa acerca do estado do aparello avisando nos casos, por exemplo, nos que a porta quede aberta.
Outro fabricante, Ardo, presenta unha nova gama que cambia radicalmente o diseño e aspecto externo dos electrodoméstricos, propoñendo modelos realizados integramente en cor negra, como novo concepto estético para decorar as cociñas.
No marco desta feira ofreceranse sesións técnicas complementarias, entre as que destaca a presentación dun estudo anual de referencia para o sector, titulado O observador da distribución, que revela as tendencias nacionais de consumo, cara onde vai o mercado e os intereses dos consumidores. Os asistentes tamén poderán presenciar demostracións dos produtos e establecer os seus contactos de negocios cos representantes das marcas.
A feira, organizada polo Grupo Comercial Galego, GRUCOGA, responsable das cadeas Activa Galicia e Decoractiva en Galicia, está dirixida aos profesionais do sector dos electrodomésticos, informática e telefonía móbil, estando confirmada xa a participación de máis de 900 profesionais.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
