Noticias

Presentada la Denominación de Origen Protegida Mejillón de Galicia

El presidente de la Xunta de Galicia y la conselleira de Pesca e Asuntos Marítimos presentaron en Vilagarcía de Arousa la Denominación de Origen Protegida Mejillón de Galicia. Un distintivo que concede por primera vez la Unión Europea a un producto del mar y después de 14 años de espera por parte del sector.

Durante el acto de presentación de este distintivo el presidente de la Xunta se comprometió a adelantar al 2010 la solución del problema del saneamiento de la ría de Vigo que ha suscitado la crítica de la Unión Europea y que obliga a las administraciones autonómica y local a unir esfuerzos para garantizar la calidad del agua de la zona lo que repercutirá directamente en la calidad del marisco, en general, y del mejillón, en particular.

Nota de prensa remitida por los Gabinetes de Comunicación de la Consellería de Pesca y de la Xunta de Galicia:

O presidente da Xunta, Emilio Pérez Touriño, comprometeuse a quen antes do remate da lexislatura as rías galegas quedarán saneadas e depuradas. “Imos facer os deberes, imos facer un investimento para lograr que as rías, que é o mellor que o país ten, un dos bens que nos definen e nos soportan, consigan a excelencia para os seus produtos. Conseguiremos un territorio ordenado e con rías protexidas para acadar a calidade e a excelencia”, salientou.

Durante o acto de presentación do Mexillón de Galicia como denominación de orixe protexida, o presidente díxolle ao sector que “co seu esforzo e apoio” se vai conseguir o saneamento do conxunto das rías. “Imos facer un país de excelencia e calidade. É a Galicia á que hai que aspirar e a que hai que exixirlle ao Goberno”, sinalou.

O máximo mandatario galego asistiu en Vilagarcía de Arousa ao que considerou “un día de especial transcendencia para Galicia, para o mar e as xentes do mar”, ao dar a coñecer o recoñecemento á denominación de orixe protexida Mexillón de Galicia. A presentación fíxose precisamente en Vilagarcía por ser este concello o primeiro n que se fondeou unha batea para a cría deste molusco no ano 1945. Esta certificación, que se deu a coñecer a través da publicación do seu regulamento no Diario Oficial das Comunidades Europeas, supón o recoñecemento internacional de calidade do mexillón galego, sendo o primeiro produto do mar que recibe esta certificación en Europa.

“É un día especial para o ben máis prezado que nos une e nos fixo nacer e desenvolvernos como país e reafirmar a nosa identidade”, subliñou Pérez Touriño, quen destacou que con este recoñecemento se dá cumprimento a un compromiso que xa figuraba no programa de Goberno e que daba conta da importancia que ten o sector mexilloeiro para o seu Executivo como “fonte de riqueza e emprego”. Un sector, agregou, no que Galicia é líder de produción en Europa e o segundo maior produtor do mundo, por detrás de China.

Na súa intervención, Pérez Touriño agradeceu o esforzo da ministra de Pesca, Elena Espinosa, e da conselleira de Pesca, Carmen Gallego, e fixo un recoñecemento expreso á xente do mar por ter acadado a DOP, que marcará “un antes e un despois na historia e evolución nesa gran riqueza transformadora en valor e emprego que é o cultivo do mexillón”.

O titular do Goberno galego sinalou que a partir de agora hai que crear un novo “escenario de futuro por estarmos ante un vector estratéxico na achega e creación de riqueza, facendo ría e país”. “Temos que facer das costas un horizonte esperanzador de vida e traballo co que me comprometo co futuro do mar e da xente do mar”, expresou.

Neste sentido, o presidente destacou que o cultivo do mexillón “ten sido e segue a ser” un dos “piares” para o desenvolvemento económico de Galicia, que conta na actualidade con 3.300 bateas e cunha facturación de 400 millóns de euros anuais e a xeración de máis de 11.000 postos de traballo.

O presidente animou aos membros do sector a ter “orgullo” de sumar para conseguir as mellores metas. “A Galicia da unión poderá ter días de triunfo e ledicia”, destacou. Nesa liña, animounos a seguir facendo “o que mellor saben”, que é faenar, cultivar, fortalecer e innovar nas estruturas de comercialización.

Para acadalo, amosoulles “toda a entrega da Xunta de Galicia, da Consellería e o meu compromiso como presidente para que non falte o paio e empeño para acompañarvos nesta tradición, neste futuro que o sector ten por diante”.

Pola súa banda, a conselleira de Pesca que en escasos 60 anos os produtores galegos foron quen de acadar unha posición de liderado mundial, convertendo o cultivo do mexillón nun sector estratéxico no desenvolvemento económico, presente e futuro, da comunidade galega.

Carmen Gallego sinalou que o mexillón de Galicia se converte así no primeiro produto europeo da pesca con denominación de orixe protexida, o que abre unha nova etapa na evolución deste sector en Galicia.

Por último a conselleira manifestou que este logro significa ratificar o compromiso de todos os produtores galegos coa estándar de excelencia na calidade dos procesos de produción e, polo tanto, do mexillón de Galicia. E salientou que chegou o momento dun sector exercendo en bloque o seu liderado nos mercados internacionais, cun produto de calidade certificado.

A Denominación de Orixe Protexida do Mexillón de Galicia é un distintivo de calidade que diferenza o mexillón orixinario de Galicia do de calquera outra procedencia a través dunha certificación de calidade a nivel europeo.

Por este motivo, a obtención da DOP significa que o produto que se venda como mexillón de Galicia cumpre uns estándares de excelencia da calidade dos procesos de produción.

Palabras da conselleira de Pesca e Asuntos Marítimos no acto:

A Consellería de Pesca convocouvos en Vilagarcía de Arousa para falar do futuro do sector mexilloeiro. Sei que esta convocatoria causou certa estrañeza, pero nin o contido, nin a elección da data ou do lugar foron casuais.

Aquí, na ría de Arousa, fondeouse a primeira batea de cultivo en 1945. En escasos sesenta anos, os produtores galegos acadaron unha posición de liderado mundial. Galicia é hoxe en día a segunda produtora mundial de mexillón, por detrás de China, e a primeira de Europa, por diante de Holanda, Dinamarca, Francia e tamén Italia.

Entre todos fúchedes quen de convertir o cultivo do mexillón nun sector estratéxico no desenvolvemento económico, presente e futuro da comunidade galega. Desenrolouse un sistema de produción peculiar: un cultivo artesanal que se realiza en bateas. Un modelo de produción integrado co medio, que utiliza tecnoloxías non agresivas co mexillón e aberto á incorporación de innovacións desenvolvidas por técnicos galegos.

Acadouse un produto único, resultado do sistema de cultivo e das condicións naturais das rías galegas. Gracias a vós logrouse unha calidade que diferencia ao mexillón orixinario de Galicia de calquera outra procedencia. Tedes un produto que se adapta á perfección ás esixencias de calidade, sabor, alimentación saudable e nutritiva que demandan os consumidores actuais.

E contamos cun sector dinámico. Homes e mulleres coa enerxía suficiente para consolidar, en moi pouco tempo, unha actividade económica multiplicadora de recursos e xeradora de emprego nas rías galegas. Pero aínda queda moito por facer. Hai que seguir avanzando cara á consolidación das estruturas produtivas, a mellora da xestión da produción e dos canais de comercialización. Fáltanos, sobre todo, diferenciar a calidade do noso produto no mercado.

Por iso estamos aquí. Para falar do futuro do sector. Para celebrar que, por fin, o Diario Oficial da Unión Europea publica hoxe, 28 de decembro, o regulamento da Denominación de Orixe Protexida Mexillón de Galicia. ¡Noraboa a todos! ¡Conseguímolo! O mexillón de Galicia será ó primeiro produto europeo da pesca con Denominación de Orixe Protexida.

Quero felicitar, en primeiro lugar, a todos os membros do sector que no seu momento viron clara a necesidade de diferenciarse a través dunha certificación de calidade. Tamén me gustaría salientar o apoio do Ministerio de Agricultura e Pesca, da Secretaría General de Pesca Marítima e do comisario de Pesca da Unión Europea, Joe Borg, que amosou dende o principio o seu apoio a esta iniciativa a pesares de ser a Dirección Xeral de Agricultura da Comisión Europea a que ten competencias nesta materia. Asimesmo, quero felicitar a todos os que deron os primeiros pasos de cara á Denominación de Orixe Protexida. Aos que xa non están na primeira liña do sector, pero sentaron as bases do seu futuro. A todos eles temos que agradecer o esforzo, e incluso o custe persoal, volcado na consolidación do sector mexilloeiro galego. Vexo a algúns deles aquí, entre nós. Moitas grazas polo voso empeño. Pídovos un forte aplauso para eles.

Chegar ata aquí non foi doado. A historia do sector mexilloeiro galego escribiuse a través de grandes avances e tamén de tramos de camiño desandado. Pero hoxe estamos na ría de Arousa, na orixe do sector mexilloeiro, para falar de futuro.

A Denominación de Orixe Protexida significa a satisfacción do recoñecemento da Unión Europea ao voso sistema de traballo e ao mexillón de Galicia. Supón un impulso cualitativo na evolución do sector e no seu posicionamento no mercado. E significa sobre todo unha grande responsabilidade. Significa ratificar o compromiso de todos os produtores galegos co estándar de excelencia na calidade dos procesos de produción e, polo tanto, do mexillón de Galicia. Temos por diante 6 meses de traballo para ratificar o que hoxe nos concedeu a Unión Europea.

Neste escenario, será clave o papel do Consello Regulador do Mexillón de Galicia como máximo responsable da estrutura de control da Denominación de Orixe Protexida. O Consello Regulador xestionará as etiquetas, os rexistros: de bateas, de centros de depuración e de elaborados. E vai ser o garante da calidade dos procesos de produción e do mexillón diferenciados co distintivo da Denominación de Orixe Protexida Mexillón de Galicia.

Todas as entidades que formamos parte do Consello Regulador, é decir, o conxunto do sector e a propia Consellería de Pesca, estamos dende hoxe comprometidas máis que nunca neste obxectivo. Estou convencida de que, entre todos, faremos da Denominación de Orixe Protexida o emblema dunha nova etapa na evolución do sector mexilloeiro galego. Chegou o momento dun sector compacto. Chegou o momento dun sector exercendo en bloque o seu liderado nos mercados internacionais cun produto de calidade certificada. Ese modelo de sector polo que todos levamos anos traballando. Adiante! Tedes a oportunidade nas vosas mans!

Moitas grazas.