Noticias

Creado el voluntariado de activación lingüística para promover la lengua y cultura gallegas

La Vicepresidencia de la Xunta de Galicia pone en marcha de forma experimental en Santiago de Compostela el programa de voluntariado de activación lingüística por el que personas que hablan gallego comparten su tiempo con quienes desean aprender o perfeccionar el uso de la lengua de Galicia, practicando conversación para ampliar los conocimientos.

El programa, al que se puede acceder a través de la web www.valingua.org, cuenta con la colaboración de la Mesa pola Normalización Lingüística de Galicia y el principal objetivo es fomentar el uso del gallego y el conocimiento de la cultura de Galicia, así como activar la solidaridad y el intercambio cultural.

Nota de prensa remitida por el Gabinete de Comunicación de la Xunta de Galicia:

A Vicepresidencia da Xunta -a través da Dirección Xeral de Xuventude e Solidariedade- e A Mesa pola Normalización Lingüística poñen en marcha por primeira vez en Galiza un programa de voluntariado lingüístico, unha iniciativa deseñada para promover a cultura e a lingua galega e para activar a solidariedade e o intercambio cultural. O programa foi presentado en Compostela polo vicepresidente da Xunta, Anxo Quintana; o director xeral de Xuventude e Solidariedade, Rubén Cela; o presidente da Mesa pola Normalización Lingüística, Carlos Callón; e o concelleiro de cultura de Santiago de Compostela, Néstor Rego.

Na presentación deste programa, o vicepresidente salientou que, para construír unha Galiza máis igualitaria e solidaria, “debemos dar saída ao potencial que como galegos e galegas temos”, e unha desas potencialidades que se debe impulsar é a da lingua e a cultura galegas, historicamente maltratadas e aínda con moito por descubrir. Quintana indicou que o voluntariado lingüístico vai servir para promover espazos para o uso do galego e para a interrelación social entre as persoas, de aquí e de fóra, algo que redundará no desenvolvemento dunha Galiza máis plural, máis solidaria e máis orgullosa de si mesma.

O presidente da Mesa, Carlos Callón, subliñou a colaboración entre a Administración e o movemento cidadán e manifestou que este programa quere contribuír a “un futuro baseado no diálogo, a intercomunicación e a pluralidade cultural”. O concelleiro de cultura de Santiago, Néstor Rego, sinalou que “hai máis de mil anos que a cidade de Santiago é un símbolo do diálogo e o intercambio cultural” e sinalou que a capital “acolle feliz” esta experiencia pioneira que se irá estendendo progresivamente a toda Galiza.

Programa

É unha iniciativa aberta dirixida tanto a persoas individuais como a asociacións e organizacións. As persoas interesadas en participar só teñen que cumprir un requisito: ser maiores de idade. A partir de aí, poden anotarse nunha das dúas categorías que estabelece o programa: ou voluntarios ou activos. As persoas voluntarias deben ter un bo nivel de galego e, a través deste programa, compartirán os seus coñecementos da lingua e da cultura galega con outras persoas que o precisan (as activas). Pola contra, as activas son aquelas persoas que desexan coñecer máis sobre Galiza e sobre a súa lingua e cultura. En moitos casos, as activas poden ser persoas que veñen de fóra para instalarse temporal ou permanentemente no noso país (estudantes, traballadores, etc), pero tamén pode ser calquera galego ou galega que queira afondar no coñecemento da nosa realidade.

A Universidade de Santiago de Compostela vai integrar o programa como fórmula de acollida dos estudantes foráneos para o vindeiro cuadrimestre.

O programa de activación lingüística está tamén aberto a asociacións e organizacións que se queiran sumar. Só teñen que cumprir tres requisitos básicos: promover a participación e o desenvolvemento no programa, ter un uso do galego preferente na súa actividade e documentación e fomentar o achegamento de persoas foráneas á organización.

Desenvolvemento

O programa consiste en promover a formación de parellas de voluntarios e persoas (activas) que queiran aprender máis sobre a lingua e a cultura galegas. A cada voluntario asignáselle un activo e ambos comprométense a relacionarse un mínimo de 20 sesións dunha hora, coa premisa de falar galego ou de tentar falalo o máximo posíbel. A persoa voluntaria encárgase de guiar a persoa activa no maior coñecemento da cultura e da lingua galega. Trátase de superar as dificultades de falar en galego e poder aplicalo á vida cotiá, ademais de promover en moitos casos a relación de persoas de distintas culturas. As parellas que se conformen poderán facer aquilo que sexa do seu interese, dende falar e xantar até ir ver unha exposición ou facer trámites administrativos.

No caso das persoas activas que sexan de fóra, facilitaráselle a súa estadía en Galiza, podendo apreciar ademais a diversidade das manifestacións culturais galegas, xa que o programa propiciará ademais actividades de lecer e de intercambio. Foméntanse así as relacións interculturais e o intercambio de experiencias tendo como vehículo fundamental a lingua galega.

Todas as persoas e asociacións interesadas nesta iniciativa poden obter información sobre a mesma na páxina web www.valingua.org, (onde mesmo xa se poden inscribir), no teléfono 900 400 800 da Dirección Xeral de Xuventude e Solidariedade e no teléfono 981 563885 da Mesa.