lunes, 7 de septiembre de 2026
El proyecto Conta con Elas participa en la Feria Sectorial de la Construcción SICO que se celebra en el Recinto Ferial de Vigo entre el 21 y el 25 de junio. Representantes de este proyecto asistieron a una mesa redonda celebrada en el marco de esta feria.
Nota de prensa remitida por Montserrat Doval Avendaño, Sensibilización Institucional y Actividades Empresariales - Proyecto Conta con Elas:
Na Sala Rosalía de Castro do Ifevi tivo lugar a Mesa redonda "Conta con Elas na empresa" na que tres mulleres que traballan no sector da construción contaron a súa experiencia: Gloria Pascual Casal, empresaria e escaiolista da empresa Máis Maña; Belén Pampín Camino, xefa de obra da empresa COVSA, e Rosa González Pérez, empresaria pioneira no sector do gas da Empresa J. Ramos y Cía. Ademais, o persoal de Conta con Elas explicou ás empresas interesadas as accións nas que poden participar.
O Proxecto Conta con Elas está presente na feira sectorial da Construción SICO que se realiza do 21 ao 25 de xuño no recinto do Ifevi de Vigo.
O Proxecto conta coa presenza do Bus da Igualdade que está situado no aparcamento de entrada á Feira co fin de que visualmente se identifique o proxecto.
Dentro do recinto, Conta con Elas terá un stand de 24 metros cadrados no que se da información sobre o proxecto e máis especificamente sobre as accións destinadas ás empresas.
A presenza de Conta con Elas na feira SICO débese ao interese de acudir alí onde as empresas se encontran e darse a coñecer, especialmente ás empresas de sectores tradicionalmente masculinos como o da construción.
O Proxecto ten como eixo central a sensibilización, especialmente a sensibilización empresarial e laboral para diminuír a segregación laboral das mulleres. O Proxecto Conta con Elas impulsa e favorece o cambio na percepción da posición que as mulleres han de ocupar no mercado de traballo.
Actúase sobre o contorno social e educativo, sobre o institucional, sobre o empresarial-laboral e directamente sobre mulleres desempregadas formadas en profesións con escasa presenza feminina.
Tamén se actua sobre mulleres empregadas para a súa promoción dentro da empresa, mediante planes individualizados de formación.
O Proxecto conta con catro centros antena para atención a persoas en Vigo, O Porriño, Redondela e Gondomar, ademais dos centros atendidos polos sindicatos con persoal especialista no sector laboral dende a perspectiva de xénero.
A sensibilización sobre o tema de igualdade chegará a todo o territorio da Mancomunidade grazas ao Bus da Igualdade, unha iniciativa nova para achegar material multimedia sobre igualdade a toda a poboación.
O Proxecto Conta con elas enmárcase dentro da iniciativa Equal do Fondo Social Europeo, dedicada a promover novos métodos de loita contra toda clase de discriminación e desigualdade no acceso a un mercado de traballo aberto a todos e todas, a través da sensibilización en materia de igualdade de oportunidades entre homes e mulleres para corrixir a segregación horizontal e vertical no eido laboral.
A Agrupación de Desenvolvemento Area Metropolitana de Vigo leva adiante o proxecto e está formada polas entidades Mancomunidade da Área Intermunicipal de Vigo (MAIV), como entidade pública responsable; os sindicatos UGT, CCOO e CIG, a Confederación de Empresarios de Pontevedra (CEP), Fundación Caixanova, Deputación de Pontevedra e Universidade de Vigo. O orzamento do proxecto, preto dos tres millóns de euros, é un dos máis altos de España.
A exposición 'As estacións do ano na arte galega dos séculos XX e XXI' pecha as súas portas no Museo Centro Gaiás o domingo 6 de setembro con máis de 36.000 visitas desde a súa inauguración. Concibido e comisariado pola artista e investigadora Mónica Alonso, o proxecto destaca polo seu deseño innovador, que constrúe un percorrido sensorial para mergullarse na arte contemporánea. Máis de 80 obras de 63 artistas dan forma a un itinerario que transita polas paisaxes, símbolos e lembranzas asociadas ao paso do tempo e os cambios entre a primavera, o verán, o outono e o inverno en Galicia.
Galicia continúa a manter o liderado na taxa de escolarización 0-3 por cuarto curso consecutivo, cun 64 %. Os datos do Ministerio de Educación, Formación Profesional e Deportes referentes ao período lectivo 2026-2026 consolidan este primeiro posto, con 14 puntos por riba da media nacional. Ademais, Galicia é a única comunidade autónoma que está por encima da barreira do 60 % en niveis de escolarización no primeiro ciclo de Educación Infantil e supera en case 20 puntos o obxectivo da Unión Europea para o ano 2030, que é do 45 %. Estas cifras colocan a Galicia como referente no apoio ás familias e á infancia e son posibles grazas a medidas como a gratuidade das escolas infantís.
