viernes, 1 de mayo de 2026
As fotografías do Certame Internacional de Fotografía da Muralla de Lugo pódense ver na plataforma en internet www.galiciadigital.com que presenta as instantáneas premiadas neste primeiro certame convocado pola Consellería de Cultura e Deporte da Xunta de Galicia.
Ó certame, dotado con 45.000 de premio, presentáronse un total de 185 coleccións, entre as que foron seleccionadas as nove coleccións premiadas, correspondendo o primeiro premio a RUBEN VILANOVA ROMERO e XOEL GOMEZ LOSADA, de Ourense; o segundo a JOSÉ MARÍA MELLADO, de Madrid; o terceiro, a JOSÉ VAZQUEZ CARUNCHO, de A Coruña, e seis accésits ás coleccións de XULIO VILLARINO, de Porto de Bares-Mañón(A Coruña), JOSÉ GAGO PESQUEIRA, de Marín(Pontevedra), DAMIÁN VARELA PASTRANA de Lugo; JULIÁN MENÉNDEZ FERNÁNDEZ, de Avilés(Asturias); GUSTAVO CABO LÓPEZ, de Lugo, e JUAN M. ADRIO FONDEVILA, de Vilagarcía de Arousa Pontevedra).
As fotografías preséntanse a xeito de exposición colectiva, dentro do apartado de Galerías de artista do portal CULTURA GALEGA, como GALERÍA MURALLA DE LUGO, http://www.galiciadigital.com/muralladelugo/
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
