viernes, 2 de octubre de 2026
A directora xeral de Formación e Cualificación para o Emprego, Zeltia Lado, valorou esta mañá os últimos datos de paro rexistrado e afiliacións á Seguridade Social destacando que Galicia rexistrou o mínimo de paro para un setembro desde que hai rexistros, con 112.437 persoas, e tamén o mellor dato de cotizantes da serie para este mes, con 1.127.967.
En relación co paro, na comparativa anual baixa, o que supón 648 persoas paradas menos que en setembro de 2025. A redución do paro anual esténdese a todos os sectores de actividade, liderada pola construción (-6,97%), seguido da industria (-4,48%), do primario (-2,63%) e dos servizos (-2,29%).
En canto aos colectivos prioritarios, tanto as mulleres como as persoas paradas de longa duración acadan o menor nivel de desemprego para un mes de setembro de toda a serie histórica (desde maio de 2005). No caso das mulleres, o paro redúcese en 612 persoas (-0,91 %) con respecto ao ano anterior. Entre as persoas paradas de longa duración, a baixada é de 813 persoas (-1,45 %).
Na comparativa mensual, o paro sobe un 2,50 % nun contexto no que inflúen a finalización de contratos do verán e tamén o proceso extraordinario de regularización, que continuará incorporando persoas ás estatísticas de paro nos vindeiros meses.
No relativo ás afiliacións, Zeltia Lado destacou que é a terceira mellor cifra rexistrada, por detrás dos datos de xullo e agosto. Galicia conta con 23.965 afiliacións máis que hai un ano (+2,17 %). A isto engadiu que en materia de contratación as cifras aumentan tanto na comparativa anual como na mensual.
Segundo salientou a directora xeral, estes datos deben analizarse desde unha perspectiva de medio e longo prazo e engadiu que o Goberno galego continúa desenvolvendo unha ampla batería de medidas a prol do emprego estable e de calidade e de dar resposta ás necesidades de talento e de cobertura de vacantes do tecido empresarial.
O certame consolídase como un espazo de exhibición para o sector profesional galego e de achegamento da cidadanía ás novas linguaxes escénicas. Teatro de Ningures abrirá a programación o xoves 15 no Teatro Principal coa estrea absoluta de Thelma e Lola. Tamén presentará por primeira vez a súa nova proposta Arun Run, que levará Inorganic ás rúas de Ourense os días 17, 18, 23, 24 e 25. Pola súa banda, a iniciativa 67 Graos Ourense Fervescénica dará a coñecer novas creacións o mércores 21 na Sala Emilia Pardo Bazán do Campus de Ourense. No apartado internacional, a compañía arxentina El Rayo Misterioso regresará ao festival con Todo terminará por Navidad.
Galicia comparte coas comunidades autónomas a súa Lei de Educación Dixital, unha normativa pioneira a nivel estatal que regulará por primeira vez o uso da IA no ensino. Faino no I foro europeo EducaIA que se celebrou en Santiago de Compostela coa participación de responsables educativos de dez comunidades autónomas, xunto con docentes e expertos na materia e a intervención por videoconferencia do director de Educación da OCDE, Andreas Schleicher.
