viernes, 16 de octubre de 2026
O programa deseñouse de xeito específico para responder ás necesidades das pequenas e medianas empresas polo seu papel determinante no emprego e na dinamización económica da comunidade. Os apoios financeiros cobren ata o 35 % do investimento no caso das pequenas empresas e ata o 25 % no das medianas.
Con estes recursos, as liñas do Igape facilitan dende a apertura de novos establecementos ata o aumento da capacidade produtiva existente, pasando pola diversificación do negocio ou a transformación dixital e tecnolóxica dos procesos industriais.
Protagonismo industrial e equilibrio territorial
A industria manufactureira sitúase como o principal motor do programa, concentrando 41 dos proxectos aprobados. Entre as liñas beneficiadas destacan sectores de alto valor engadido como a automoción, o sector naval, a aeronáutica, o metal, a industria química, a madeira e a alimentación. Á súa vez, tamén se financiaron iniciativas pertencentes ao sector primario, a loxística, o comercio, o turismo e os servizos tecnolóxicos.
O informe presentado hoxe destaca ademais a implantación homoxénea destas axudas, que permitiron distribuír novos investimentos e oportunidades de emprego ao longo das catro provincias galegas, promovendo un desenvolvemento económico territorialmente equilibrado.
Unha estratexia integral de crecemento
A liña de Atracción de Empresas forma parte dunha batería de ferramentas máis ampla do Igape dirixida a fortalecer o tecido empresarial galego. Coa súa integración con outros instrumentos de innovación, internacionalización e financiamento, a Xunta reafirma o seu compromiso coa captación de capital, a xeración de emprego estable e a modernización sostible da economía de Galicia.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
