miércoles, 23 de septiembre de 2026
Un cambio de hábito na rutina cotiá
A verdadeira xestión sostible comeza nas fogares. Dar por feito que a billa sempre terá caudal cando chove é un erro de percepción; o verdadeiro reto é estar preparados cando chegan os meses de estiaxe.
Xestos tan sinxelos como optar pola ducha en vez do baño, pechar a billa durante a hixiene bucal, poñer os electrodomésticos a carga completa, arranxar calquera pequena fuga ou regar nas horas de menor insolación teñen un efecto multiplicador sumamente positivo cando os adopta conxuntamente a cidadanía.
Planificación, dixitalización e infraestruturas
Xunto coa responsabilidade individual, a administración autonómica desprega un plano de acción centrado na prevención e na eficiencia técnica. A través de Augas de Galicia, estase a traballar man a man cos concellos para optimizar a xestión dos recursos:
- Modernización de redes: Redución de perdas e fugas nos condutos municipais mediante a dixitalización e o control en tempo real.
- Plans de emerxencia: Asesoramento e apoio ás entidades locais na preparación de protocolos ante escenarios de escaseza.
- Control de reservas: Mellora no seguimento dos encoros autonómicos e ampliación do estudo das augas subterráneas para maximizar a capacidade de resposta.
Protexer o recurso é protexer o que somos
A seguridade hídrica do futuro non é tarefa exclusiva das institucións nin das grandes obras de enxeñaría. Cada litro que se evita malgastar hoxe é unha garantía de estabilidade ambiental, económica e social para o mañá. Coidar dos nosos recursos hídricos é, en última instancia, protexer un dos piares fundamentais da propia identidade galega.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Así o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos países e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
