viernes, 31 de julio de 2026
A presentación tivo lugar no Salón Reitoral da USC e contou tamén coa participación do presidente da Deputación da Coruña, Valentín González Formoso, e do director xeral de Caixa Rural Galega, Jesús Méndez Álvarez-Cedrón.
Aspectos controvertidos
Nesta edición, 15 docentes da USC analizaron en 10 capítulos a evolución macroeconómica da comunidade. Na presentación, os expertos destacaron dous aspectos controvertidos do mercado de traballo. Por unha banda, alertaron da dificultade de chegar a conclusións respecto da estimación do número de vacantes existentes en Galicia, posto que as fontes oficiais responden a metodoloxías e coberturas distintas. 'Non existen datos suficientes para falar dunha alarma laboral xeneralizada, xa que o problema parece concentrarse en determinados sectores e territorios. É necesario, ademais, mellorar as estatísticas', explicaron.
Por outra, o estudo conclúe que Galicia presenta unha taxa de absentismo superior á media estatal, pero o informe subliña o problema de identificar o total das ausencias do traballo co absentismo por incapacidade temporal. Os expertos consideran que o maior impacto pode estar no presentismo, persoas que acoden ao traballo estando enfermas, un fenómeno 'menos visible e difícil de medir'.
Análise rigorosa
Os coordinadores explicaron que o informe A Economía Galega debe contribuír a ofrecer unha 'análise rigorosa apoiada na evidencia empírica' para comprender mellor os desafíos e retos actuais e orientar un debate máis informado. Neste sentido, sinalaron que a economía galega deberá afrontar o envellecemento da poboación, a necesidade de incrementar a produtividade e o valor engadido, adaptarse á transición tecnolóxica e ambiental e garantir o relevo xeracional para cubrir as necesidades do mercado de traballo.
O Instituto de Estudos e Desenvolvemento de Galicia (IDEGA) da USC presentou o 40º informe 'A Economía Galega', un estudo que realiza de maneira ininterrompida dende 1986. Os seus directores, Dolores Riveiro e Melchor Fernández, explicaron que o documento se pode resumir nunha 'evolución favorable na maior parte dos sectores de actividade, confirmando unha notable capacidade de adaptación nun contexto internacional complexo'. Os datos de 2025 son 'claramente positivos', afirmaron. 'Galicia pechou o ano co maior aumento de ocupación da última década, no que as mulleres concentran o avance e a inmigración se consolida como un dos grandes motores do emprego'.
A Xunta e as tres universidades pública galegas pecharon hoxe o acordo para reformar a estrutura de organización da Proba de Acceso á Universidade (PAU). O obxectivo, tal e como destacou o conselleiro de Educación, Ciencia, Universidades e FP, Román Rodríguez, 'é procurar a maior coordinación para garantir que as probas sexan adecuadas ao nivel e contidos do currículo de Bacharelato e que se corrixan con criterios que reflictan a boa preparación do alumnado galego'. o.
