Noticias

Galicia acollerá a celebración do I Congreso Internacional de Estudos sobre as Peregrinacións do Xacobeo 2027

Celebrouse hoxe a reunión do Comité Internacional de Expertos do Camiño de Santiago, na que se avanzou na organización do I Congreso Internacional de Estudos sobre as Peregrinacións, unha das principais iniciativas académicas deste órgano dentro do programa do Xacobeo 2027. Durante a sesión, que tivo lugar na sede do Consello Económico e Social de Galicia, abordáronse cuestións de carácter organizativo e científico relativas a este encontro internacional, que se celebrará en Santiago de Compostela no mes de maio de 2027 baixo o lema 'O futuro da peregrinación: camiños en transformación'. A cita reunirá investigadores, académicos e especialistas de diferentes países para reflexionar sobre a evolución das peregrinacións desde unha perspectiva histórica, cultural, patrimonial, espiritual e social.

O director de Turismo de Galicia, Xosé Merelles, xunto co comisario do Xacobeo 2027, Marcos Gómez Román, participaron hoxe na reunión do Comité Internacional de Expertos do Camiño de Santiago, na que se avanzou na organización do I Congreso Internacional de Estudos sobre as Peregrinacións, unha das principais iniciativas académicas deste órgano dentro do programa do Xacobeo 2027.

Durante a sesión, que tivo lugar na sede do Consello Económico e Social de Galicia, abordáronse cuestións de carácter organizativo e científico relativas a este encontro internacional, que se celebrará en Santiago de Compostela no mes de maio de 2027 baixo o lema ‘O futuro da peregrinación: camiños en transformación’. A cita reunirá investigadores, académicos e especialistas de diferentes países para reflexionar sobre a evolución das peregrinacións desde unha perspectiva histórica, cultural, patrimonial, espiritual e social.

Segundo apuntou Xosé Merelles, “a organización deste congreso chega nun momento de especial dinamismo para o Camiño de Santiago e terá lugar en pleno Xacobeo 2027”. No que vai de 2026, máis de 290.000 peregrinos recolleron a Compostela, o que supón un incremento do 3% respecto ao mesmo período de 2025. “Esta evolución confirma a consolidación do fenómeno xacobeo e reforza a importancia de promover espazos de reflexión sobre as oportunidades das peregrinacións no ámbito internacional”, destacou.

“Os datos tamén evidencian a progresiva diversificación das rutas”, subliñou, apuntando que o Camiño Francés continúa a ser o itinerario máis transitado e representa algo máis do 43% das peregrinacións, mentres que o Camiño Portugués e o Camiño Portugués da Costa concentran arredor do 20% cada un. Precisamente, este último rexistra o maior ritmo de crecemento, cun incremento do 21% respecto ao ano anterior.

Referíndose ao papel do Comité Internacional de Expertos, o director de Turismo referiuse a el coma o órgano de referencia para a planificación das políticas públicas relacionadas co Camiño de Santiago e un garante de que estas conten cunha base científica, histórica e cultural sólida.

Así mesmo, subliñou a dimensión internacional deste órgano consultivo ao sinalar que "a composición do Comité de Expertos favorece a conexión de Galicia coas principais redes académicas xacobeas e contribúe a reforzar a consideración do Camiño como fenómeno cultural de dimensión mundial".

Un foro internacional sobre o futuro das peregrinacións

Ao longo de tres xornadas desenvolveranse conferencias plenarias impartidas por especialistas de prestixio internacional e sesións paralelas abertas á participación da comunidade investigadora. O programa afondará en cuestións como a historia, a espiritualidade, o patrimonio cultural, a identidade, a diversidade, a sustentabilidade, a inclusión, a paisaxe e os retos de futuro das peregrinacións.

Ademais, terá unha especial significación ao coincidir co 40º aniversario da declaración do Camiño de Santiago como Primeiro Itinerario Cultural Europeo polo Consello de Europa (1987-2027), efeméride que reforza a dimensión internacional da ruta xacobea.

Dúas novas publicacións

No marco da xornada, presentáronse máis tarde na sede do Instituto de Estudos Galegos Padre Sarmiento, dúas novas publicacións promovidas polo Comité Internacional de Expertos do Camiño de Santiago e Turismo de Galicia: o primeiro volume do número XVII da revista científica Ad Limina, titulado ‘Iacobus Harmonicus: Santiago, Compostela y la música’, coordinado polo musicólogo Philippe Picone, e o libro ‘Mil veces a Compostela. Peregrinos da Idade Media’, da historiadora Adeline Rucquoi, traducido ao castelán e editado por Turismo de Galicia.

Xosé Merelles destacou que "a investigación e a divulgación científica son piares fundamentais para seguir fortalecendo o prestixio internacional do Camiño de Santiago". Nesa liña, sinalou que "publicacións como Ad Limina e obras de referencia como ‘Mil veces a Compostela’ contribúen a preservar, actualizar e difundir o coñecemento sobre o fenómeno xacobeo, facendo accesible ese legado ao conxunto da sociedade".

O novo volume de Ad Limina reúne sete investigacións de especialistas internacionais dedicadas á música xacobea, desde o Códice Calixtino ata a música barroca do Virreinato do Perú inspirada na figura do Apóstolo, mentres que o libro de Adeline Rucquoi ofrece un amplo percorrido pola peregrinación compostelá na Idade Media, situando os peregrinos como protagonistas da historia xacobea.

R., 2026-07-28

Actualidad

Foto del resto de noticias (20261111-xunta.jpg) Celébrase o XIV pleno do Consello de Comunidades Galegas, do que sairá elixida a súa nova Comisión Delegada, composta por 13 entidades de España, Europa e América, coa misión de traballar polos intereses dos galegos na diáspora durante os vindeiros tres anos. Na inauguración do Consello foron homenaxeados catro galegos pola súa contribución a estreitar lazos entre Galicia e o Brasil. Os recoñecidos son a presidenta da Sociedade Hispano Brasileira de Socorros Mútuos e Instruçao, María Dolores Daparte; o presidente da Sociedade de Socorros Mútuos e Beneficiente Rosalía de Castro, Casto Vieites; a expresidenta da asociación Recreo de Anciáns da Vellez Desamparada, Regina Jallas, e a voluntaria e colaboradora da Asociación Cultural Hispano-gallega Caballeros de Santiago, de Salvador de Bahía, Lourdes Valencia.
Foto de la tercera plana (circo-camino-2026.jpg) Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.

Notas

O festival EmigraSON pecha o cartel para a súa quinta edición, que se celebrará en Bruxelas os días 5 e 6 de marzo de 2027. As últimas incorporacións son Carlangas, 9Louro e Tapa D’Orella, ademais da Asociación Cultural Galega A Roda, de Lausanne, que protagonizará a foliada da primeira xornada. Carlos Pereiro, máis coñecido como Carlangas, é un músico orixinario de Monterroso pero compostelán de adopción. Alí fundou en 2007 Novedades Carminha, unha das bandas galegas máis exitosas das últimas décadas coa que publicou cinco álbumes ata a súa disolución en 2022.
A IA converteuse nun dos fenómenos con maior impacto social dos últimos anos, xerando ao mesmo tempo novas oportunidades e importantes interrogantes éticos, sociais e legais. As súas aplicacións están a transformar ámbitos como a educación, a comunicación, o acceso á información, o emprego ou a toma de decisións. Ao mesmo tempo, o seu avance vai acompañado de relatos, mensaxes e informacións que contribúen a facer pasar por verdade aquilo que non o é.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES